Shillong, K’lyngkot 14 : U MDC ka Jaintia Hills Autonomous District Council (JHADC) na Saphai Bah Rikut N Parein lem bad arngut kiwei pat, kila ujor pyrshah ia ka jinglum khajna hapoh ka Pasyih Toll Plaza ha NH-6, West Jaintia Hills.
Ka ujor bala aiti sha u Deputy Commissioner ha ka sngi Balang ka kynnoh ba ki kali na Laskein C&RD Block bad na 8th Mile (Phramer) la pynbor ba kin siew ia ka khajna watla ki iaid lynti tang kumba 4/5 km.
Ka dorkhas ka ong ba ka khajna ka dei ka bym shong hok namar ki kali na West Jaintia Hills (ML-04) ki hap ban siew ia kajuh ka khajna bad kito ki kali kiba leit sha East Jaintia Hills lane sha ki Jylla ba marjan ka Meghalaya.
“Ka khajna ka dei ka bym shonghok namar la pynbor ban siew ia kajuh ka dor bad kito ki kali kiba leit sha East Jaintia Hills bad ki Jylla ba marjan ka Meghalaya” ong ka shithi ujor.
Ka jingialang ba long ha ka 6 tarik Kyllalyngkot, 2023, bala pyniaid da u Deputy Commissioner kala shim rai ba yn pyllait siew khajna ia ki kali ka West Jaintia Hills ha kane ka khyrdop. “La iarai lang ba ki kali ba don u registration number ka West Jaintia Hills (ML04) ki dei ban lait na ka jingsiew khajna” ong ka shithi ujor.
Ki nongmudui kila kynnoh ruh ba ki nongtrei kane ka khyrdop lum khajna ki ju pynibor ia ki nongniah kali, kaba lam sha ka jingthut ka shongsuk shongsain, bad kyrpad ia u Deputy Commissioner ban pyntreikam ia ka rai jong ka jingialang u snem 2023.
 na Saphai Bah Rikut N Parein lem bad arngut kiwei pat, kila ujor pyrshah ia ka jinglum khajna hapoh ka Pasyih Toll Plaza ha NH-6, West Jaintia Hills.){kind=link}