Shillong, K’lyngkot 06 : Ki Pulit ka Jylla kila pynjur ia ka jingthwet ban ioh kem ia ki nongsylla ba hakhmat eh (mastermind) ha lyndet ka jingpynbthei bomb IED ha phyllaw ka Dhar Construction Company ha ka shnong Shymplong, East Jaintia Hills.
“Ia mynta ngi dang tohkit ia kane ka case. Ngi la pyrshang ban lapdien ia arngut ki briew kiba la phetrieh” ong u Superintendent of Police (SP) ka EJH Vikash Kumar ha ka sngi Ba-ar.
Ka seng Hynniewtrep National Liberation Council (HNLC) kala kam ia ka jingdonkti halor kane ka jingpynbthei bomb bad ong ba kala pynlong sohpdung ia ka nongkynti kaba long trai da u Symbud Myntri Rangbah Bah Sniawbhalang Dhar namar ka jingkynnoh ba u khlem siew ia ka pisa ba dawa ka seng.
Hynrei u SP ula pyntip ba ka jingthwet kaba jur kala iaid pyrshah ia u nongsylla ba hakhmat eh halor kane ka jingpynbthei bomb IED.
Une u nongsylla ba hakhmat eh u dei uba la ithuh kum u Smiki Tongper ba na Shymolong bad u Issei Sungoh, u dkhot ka HNLC na Khiehriat, baroh arngut kiba la shah thwet ha kiwei kiwei ki case ruh.
Katba u Smiki Tongper u dei uba shah thwet namar ka case kaba la register hapoh ka POCSO Act, u Issei Sungoh u dei uba la shah thwet halor ka jingpynbthei bomb IED hapoh ka Police Reserve ha Khliehriat nalor kiwei kiwei ki kam bymman.
Ha kane ka jingpynbthei bomb ha Dhar Company kaba jia ha ka 15 tarik Nohprah 2025, ki Pulit kila kem ia arngut ki briew kiba suba donkti bad kine ki dei u Richard Suchen ba 31 snem bad u Pynshaitbor Syih ba 45 snem.
 ha lyndet ka jingpynbthei bomb IED ha phyllaw ka Dhar Construction Company ha ka shnong Shymplong, East Jaintia Hills.){kind=link}