Itanagar, Nohprah 20: Ki Pulit ka jylla Arunachal Pradesh kila kem ia 17 ngut ki briew, ba kynthup ia u kyrtong jong ka gram panchayat member (GPM), ba ki la pynthut ia ka jingthep vote jong ka panchayat ha Besai polling station ha Bichom district jong ka Arunachal Pradesh.
“La kem 15 ngut ha ka sngi Balang bad arngut kiwei pat la kem ha ka sngi ba la pynlong nyngkong eh ïa ka jingthep vote, kaba la pynlong ïa ka jingkheiñ baroh kiba la shah kem sha ka 17 ngut na ki 20 ngut kiba shah kynnoh, bad lai ngut kiba dang sah,” ong u heh pulit.
Katkum ki report, kane ka jingjia kala jia ha Nisanjang-Besai gram panchayat kaba hap hapoh jong ka Nedo Zilla parishad constituency, ha kaba ka jingthep vote ka la shah pynthut ha ka 15tarik Nohprah namar ka jingmih kynsan kynsan ban pynthut ia ka shong shuk shong sain
Katkum ka ejahar ba la ujor da u Assistant Superintendent of Police (ASP) P Nobin Jomoh, uwei na kiba shah kynnoh, u Kalung Besai, la kynnoh ba u la ialam ia ka kynhun paidbhur kaba la thombor ia ka kynhun thep vote, kaba kynthup ia u ASP, hadien ba ki la shah pynsangeh ban pyrshang ban kurup ia katei ka jaka thep vote. La iathuh ba u ASP bad u presiding ophisar ki la mynsaw ha katei ka jingpyrshang ban klun ia ka polling station.
La iathuh ba u ASP bad u presiding ophisar ki la mynsaw ha katei ka jingshah thombor.Shuh shuh la iathuh ba ka jingiakynad ka la sdang naduh ba uwei u nongthep vote u la pyrshang ban thep vote na ka bynta kiwei pat.
Ka jinglong jingman ka la nang sniew shuh shuh namar ba la kynnoh ba ki nongleh kam sniew ki la pom ia ki dieng ban khanglad ïa ki surok ban leit sha ka jaka thep vote ne polling station, kaba la khanglad ïa ka jingïaid lynti.
Ka State Election Commission, hadien ka la mynjur ïa ka jingkyrpad jong u district election officer’s ban pynsangeh noh ïa ka jingthep vote katkum ka Rule 45(2) jong ka Arunachal Pradesh Panchayati Raj (Conduct of Election Rules), 2001.
Ia ka re-poll ne ka jingthep vote biang kaba iaid beit iaid ryntih ka 18 tarik u Nohprah ha Government Upper Primary School ha Lada (Nedo), kaba dei ka ophis treikam jong ka circle, kaba la sdang naduh ka por 7 baje mynstep hapoh ka jingpahara kaba jur bha bad ym shym la don kano kano ka jingjia kaba sngewsih.
, ba ki la pynthut ia ka jingthep vote jong ka panchayat ha Besai polling station ha Bichom district jong ka Arunachal Pradesh.){kind=link}