Nongstoiñ, Nohprah 18: Kawei ka ïing kaba don ha ka shnong Nongsohlait West Khasi Hills, ka shnong kaba don ha lynti ban leit sha Dewlynnong Nongkhnum, ha ka sngi balang, ka la shah prong ha u riew runar bad shah tuh kumba palat shi lak tam ki jingdon jingem, ba kynthup ïa ka ksiar bad kiwei kiwei ki tiar ïing tiar sem.
Kane ka iing ka dei jong u Bah Fullmoon Thabah uba la pyntip ba kane kajingjia kala jia ha ka por kumba 3 baje eiei.
Kat kum ka jingiathuh jong u, ki khun kila iamih leit thied jingthied sha Iew Nongstoin ha ka por 2:30 baje janmiet bad dei ka Khun Khatduh kaba iohi malu mala ia u briew uba iaid shajan ka Iing khlem da poi pyrkhat ba un dei u riewsniew.
La ong ba dei ha ka por 4 baje, ula ioh jingtip na ki khun ba ka Iing kala shah prong ha u runar uba la kyndang ia ka tala da ki kynja nar. Une u runar ula kyndang ia ka duli buh jain bad ula rong ei ia ki jingdeng ksiar ba shongdor kumba T.80,000 nalor ka jingpynpriang ia ki jain ki nep ha madan.
Nalor kane ka kam, une u runar shuwa ba un phet, ula kyndang ruh ia ki khiew ja khiew jyntah bad ula bam lut ploin kat kaba don ha ki khiew.
U Bah Fullmon ula leit ban ujor da ka ejahar sha ki Pulit ka Nongstoin Police Station da ka jingkyrmen ba ki Pulit kin thwet bad iohkem mardor ia une u runar.
U Bah Fullmoon ula suba jur ruh ba une u runar u lah ban dei na ka thain Nongstoin.
