Shillong, Nohprah 9: Ka Khasi Welfare Committee (KWC) Vairengte, Mizoram, kala kyrpad ia u Myntri Rangbah ka Meghalaya u Conrad K Sangma ha kaba iadei bad ka jingsahteng jongka mat halor ka Land Settlement Certificate (LSC) bad ka Sorkar Mizoram bad ban tei ia ka community hall.
Ha ka shithi u President ka KWC u Vailat Sutong ula pynpaw ia ka jingsngewkhia halor ka jingbym shai bad ia ka jingeh kaba la mad da ki longiing namar ka jingpynslem ban ai iaka LSC da ka Sorkar Mizoram.
“Ka mat kaba hakhmat eh kadei ka jingsahteng jong ka kam halor ka jingai ia ka Land Settlement Certificate (LSC) ia kaba ym pat shim la ai satia da ka Sorkar Mizoram. Kane ka mat kala wanrah ia ka jingbym long thikna bad ka jingeh ia kiba bun ki longiing longsem bad ka donkam ban shimkhia kyrkieh bad ban don ia ka jingiatrei ryngkat lang ha ki kyrdan kiba heh ban wad ia ki lad ban pynbeit noh” la pynpaw ha ka shithi.
Ka committee kala pan jingiarap pisa ruh ban tei ia ka community hall, kaban long ka jaka pdeng ia ki kam kiba iadei bad ka imlang sahlang, kolshor bad ki kam pynroi ha ka shnong ka thaw.
“Ka mat ka baar kaba ngi lah iakren kadei kaba ngi lah kyrpad ban iarap pisa ban shna ia ka community hall,” la pynpaw ha ka shithi.
 Vairengte, Mizoram, kala kyrpad ia u Myntri Rangbah ka Meghalaya u Conrad K Sangma ha kaba iadei bad ka jingsahteng jongka mat halor ka Land Settlement Certificate (LSC) bad ka Sorkar Mizoram bad ban tei ia ka community hall.){kind=link}