Shillong, Nohprah 08: Kumba 20 ngut ki nongri dohkha ka Ri Bhoi Fish Farmers Producers Organisation Co-operative Society Ltd kila ioh ia ki jinghikai pyntbit ban pynmih mar bam na ki dohkha.
Ia kane ka jingai jinghikai la pynlong da ka ICAR–Central Institute of Fisheries Technology (ICAR-CIFT), Kochi haka jingiatreilang bad ka ICAR-NEH ha ka prokram “Small scale entrepreneurship development for tribal community of NEH region – fisherwomen and youth in Meghalaya” bala pynlong ha ICAR Research Complex NEH, Umiam.
Kine ki nongri dohkha kila ioh ia ki jinghikai pyntbit ba kynthup ia ka jingpyni markhmat ia ka rukom shna ia ki marbam na ki dohkha kum ki ashar dohkha, fish cutlet, fish ball, fish finger bad prawn chutney powder.
La hikai ruh ia ki nongiashim bynta ban pyndonkam ia ki sboh dohkha na ka bynta ban pynkhreh ia ki amino acid, ban kyntiew ia ki rukom pyndonkam ia ka sboh sha ka spah.
Ia kane ka prokram la plie paidbah da Dr S Hazarika, Director (A), ICAR-NEH bad Dr AK Mohanty, Director, ATARI Zone VII, Meghalaya haka jingdon lang ki Ophisar, ki Scientist.
Ha kane ka sngi sam ruh daki synduk ice box kiba san litar sha baroh ki nongwan shim bynta shah hikai pyntbit ban kyrshan bad ai mynsiem ïa ki haka kam ri dohkha.
La pynbna ruh ban seng daka Small Fish Processing Unit ka ban pynlah ia ki dkhot jong ka FPO ban pynmih ia ki mar ka ban iarap ban pynroi ia ka jingseng kam seng jam bad ban kyntiew ia ka kamai kajih.
