Shillong, Nohprah 08 : Ka Jaintia National Council (Western Zone) kala dawa ba dei ban thungkam pura noh ia ki nongtrei contract kiba la thungkam hapoh ka National Health Mission khamtam ia kito kiba la ai ka jingshakri ia palat shiphew snem.
Ia kane ka jingdawa la buh hakhmat u Mission Director ka National Health Mission (NHM) ka Meghalaya R Chitturi ha ka jingleit iakynduh ka seng bala ialam da u President Hamehi Bamon bad u General Secretary Sambormi Susngi, dang shen ia une u Ophisar.
Ka JNC kala aiti ruh ia ka dorkhas kaba kyntu ban ai markatjuh ia ka jingsiew sha kine ki nongtrei contract, haba ban jur ba kila trei bad pyndep ia kijuh ki kam kumba trei ki nongtrei ba pura.
Kat kum ka kyrwoh, la iathuh ba u R Chittuti ula pynpaw ia ka jingmynjur bad ki jingkyrpad ka JNC bad kular ban rah iakren ia kane ka kam sha ka Sorkar Pdeng. Ula pynpaw ia ka jingkubur ia ka nongrim ban siew mar katjuh ia kajuh ka kam bad ula iaroh ia ka jingsngew ba la pyni da ka JNC. Une u Ophisar ula kyntu ia ka JNC ba kan wan beit beit sha u lada ki don ia kano kano ka jingeh.
Nalor kane, ka JNC kala iakynduh ruh ia u Myntri ka Koit ka Khiah Bah Wailadmiki Shylla ha kaba kila ban jur ia kijuh ki jingdawa bala pynpaw ha ka dorkhas.
La iathuh ba u Myntri ula kular ia ka seng ba ka Sorkar kan sa shim iaki sienjam ki ban pynthikna ba ki nongtrei contract kin ioh lang ia kajuh ka jingsiew bad kito ki nongtrei ba pura. Ula pynpaw ruh ba ka Sorkar kan nym phai lyndet ia kito kiba la aiti la bun snem sha ka NHM bad lada dei ba ka contract jong kine ki nongtrei ka kut noh, ka Sorkar kan sa wad ia ki lad ban aikam ia ki.
He further affirmed that the government would not overlook those who have committed many years to the NHM, and should the contracts of these employees lapse in the interim, the government will seek alternative employment opportunities for them as necessary, as stated by Meghalaya’s Health Minister.
 kala dawa ba dei ban thungkam pura noh ia ki nongtrei contract kiba la thungkam hapoh ka National Health Mission khamtam ia kito kiba la ai ka jingshakri ia palat shiphew snem.){kind=link}