Shillong, Nohprah 06 : U Myntri ka Ministry of Textile Giriraj Singh ha ka sngi Saitjain ula plie paidbah ia ka EKTA Meghalaya (Exhibition-cum-Knowledge Sharing for Textiles Advantage) bad ka Integrated Textile Tourism Centre (ITTC) ba nyngkong eh ka Jylla ha Nongpoh, Ri-Bhoi—kaba dei ka dak ban pyEnlong ia ka Meghalaya kum ka jaka pynmih jain bad ka jaka pdeng jong ka kam jngohkai ba iasoh bad ka Kolshor.
Ha kane ka jingialang plie la iadonlang u Myntri Khynnah ka Textile & External Affairs Pabrita Margherity bad u Myntri ka Tnad Textile ka Jylla Bah Metbah Lyngdoh.
Ka KTA, kaba dei ka prokram jong ka Ministry of Textiles, ka wanrah lang ia ki rukom pynmih jain-kynthup ki jain rynsia, ki jain thain kti, ki jute, ki jain ba pynmih da ki kor machine bad ka textile mission ka Jylla-ha kawei ka ryndan ban pynkhlain ia ka jingkynshew pisa, pyniasoh ia ki iew, ka jingiatreilang hapdeng ki Jylla bad ka jingiatehlok hapdeng ki nongthain jain.
Haba ai jingkren, u Giriraj ula ong ba kane ka ITTC ba thymmai kan pynkupbor ia ki nongthain thain, pynkhlain ia ki jing pynmih mar, kyntiew ia ka eco-tourism bad pyni ia ka jingriewspah ka thain ha ka kolshor pateng la pateng sha ka ri bad ka pyrthei baroh kawei.
Ka ITTC bala la iaseng lang hapdeng ka Ministry of Textiles bad ka Sorkar Meghalaya, ka dei kaba la pynwandur kum kawei ka jaka pdeng ban pyniasoh lang ia ka pateng, ka jingpynroi ia ka sap, ka kam seng kam seng jam, bad ka kam jngohkai pyrthei—khamtam eh na ka jingpynmih ia u ksai eri bad muga.
U Myntri Khynnah Pabitra Margherita ula iaroh ia ka nam jong ka Meghalaya ha ka jingpynmih ia ki ksai rynsia bad ka rukom wieh rong tynrai, kaba la sumar bad pynriewspah shuh shuh da ki nongthain jain kynthei.
U Singh bad u Margherita kila leit ruh ban jngoh ia ka P-3 Muga Seed Farm ha Nongpoh, ha kaba kila ioh ka lad ban iakren bad ki saiantist ri khniang bad ki nongrep.
 bad ka Integrated Textile Tourism Centre (ITTC) ba nyngkong eh ka Jylla ha Nongpoh, Ri-Bhoi—kaba dei ka dak ban pyEnlong ia ka Meghalaya kum ka jaka pynmih jain bad ka jaka pdeng jong ka kam jngohkai ba iasoh bad ka Kolshor.){kind=link}