Shillong, Nohprah 04: Ka Jaiñtia National Council (JNC) ka la leit ujor pyrshah ïa ka jingthmu seng karkhana dewbilat ka kompani Shree Cement Ltd ha Daistong, East Jaiñtia Hills, haba kynnoh ia ka jingdie jaka jong ki riewlum sha u bar jylla ba kyrteng u Bharat Sharma.
Ha ka kyrwoh, u President ka JNC Bah Sambormi Lyngdoh u la ong “Ka JNC kan ym shah ia kano kano ka jingpynkhein ia ka hok jong ki riewlum trai Jylla. Ngi la shim ka jingkitkhlieh da kaba ujor saw tylli ki shithi halor ka jingthmu ban aiti jaka shaki riewshimet bym dei riewlum. Tad haduh ba ka Sorkar kan pynthikna ia ka jinglong ain jong ka jingai jaka, iaka public hearing ruh dei ban pynsangeh mardor”.
Ka jingujor ka pynpaw ia ka jingsngewkhia kaba jur halor ka jingai jaka, da kaba kdew ia ka kyndon 2 jong ka Meghalaya Transfer of Land (Regulation) Act, 1971 kaba khang pyrshah ban die jaka jong ki riewlum sha ki bym dei ki riewlum khlem da ioh jingbit da ka jingthoh na ka Ophis kiDeputy Commissioner.
Ka JNC ka la kyrpad ia u Commissioner & Secretary ka tnat Revenue and Disaster Management ban tohkit ia kane ka kam, ban pynshisha ia ka jingmynjur jong u DC, bad ban pynbna ba ka jingai jaka ka long ain.
 ka la leit ujor pyrshah ïa ka jingthmu seng karkhana dewbilat ka kompani Shree Cement Ltd ha Daistong, East Jaiñtia Hills, haba kynnoh ia ka jingdie jaka jong ki riewlum sha u bar jylla ba kyrteng u Bharat Sharma.){kind=link}