Shillong, Naiwieng 28: U MLA ka UDP na Mawsynram bad u Dkhot jongka Meghalaya State Planning Board (MSPB) u Bah Olan Suin, ula pyntip ba ka Board kala trei iala ka kam bad shimkhia ia ka jingdheng kali hapoh ka nongbah Shillong.
Katkum ka jingong u Bah Suin, ka MSPB kala dep ban aiti ia ki jingai jingmut sha ka sorkar jylla, kaba kynthup ia ka jingtyrwa ban tei ia ki Flyover, kum kawei na Polo sha Anjalee, ban pynduna ia ka jingdheng kali.
“Ha ka por jong ka jingialam u Bah Metbah Lyngdoh kum u Chairman jong ka Planning Board, ngi lah leit ban jurip ia ki jaka kiba mad jingeh bha na ka jingdheng kali kaba jur. Ngi lah dep ban aiti ia ki jingai jingmut sha ka sorkar jylla” la ong u Bah Suin.
Ka MSPB ka dang iatreilang bad kiwei pat ki tnad sorkar kynthup ia ki pulit bad ka tnad pynroi sor ban pynmih ia ka buit treikam ban pynduna ia ka jingkhapngiah hapoh ka nongbah Shillong.
U Bah Suin ula pynpaw, ia ka jingkyrmen ba da ka jingmih jongka New Shillong Township bad ka jingpynkynriah ia ka Secretariat kan iarap shibun ha kaban pynduna ia ka jingkhapngiah hapoh ka nongbah bad kaban lam sha ka jingiaid beit jong ki kali.
“Yn sa tei ia ki katto katne ki ‘Flyovers’ ha Shillong kum ha Polo, Anjalee ban pynduna ia ka jingdheng kali. Ngi khmih lytni da ka jingmih jong ka New Shillong Township bad jingpynkynriah ia ka Secretariat shatei, kan don ka jingpynduna ia ka jingkhapngiah bad ban sakhi ia ka jingiaid beit jong ki kali ha ki por kiban wan” la bynrap u Bah Suin.
 u Bah Olan Suin, ula pyntip ba ka Board kala trei iala ka kam bad shimkhia ia ka jingdheng kali hapoh ka nongbah Shillong.){kind=link}