Sei ka AAM ia ka kynhun ban mihkhmat ia ka Jylla sha ka 42nd NTPC Archery Championship

Shillong, Naiwieng 21 : Ka Archery Association of Meghalaya (AAM), ka la sei ia ka kynhun ialehkai  shynrang bad kynthei, kiban leit ban mihkhmat ia ka jylla sha ka ka iakob siat khnam ba la tip ia ka kum ka  42nd  NTPC Sub- Junior ( Recurve, Compound & Indian Round) Archery championship.

Ia kane ka jingiakob, yn pynlong ia ka ha nongbah Itanagar, Arunachal Pradesh  mynta u bnai Naiwieng.

Kat kum ka kyrwoh na ka synjukj ha ka kyrdan iakhun jong ka Recurve kaban long ha ka 23 bad ka 24 taik mynta u bnai, na ka liang  ki shynang kiban mihkhmat sha kane ka jingiakob ki long u  Devraj Mohapatra (E.k.H.D),  Aryan Thapa (E.K.H.D), Banpunskhem Lyngkhoi (S.W.K.H.D), Donaljune Pariong (S.W.K.H.D).

Naka liang ki kynthei, kiban mihkhmat sha kane ka jingiakob ki long Aifida Kharsohphoh (W.K.H.D) Coach-Gunin Chiangmai, Coach-A.S.Mercy (Head coach  Khilo India).

Katba ki khynnah shynrang kiba la shah jied ban mihkhmat ha ka kyrdan iakhun jong ka Compound  kaban  long ha ka 26 bad ka 27 tarik jong une u bnai ki long  u Thangboy Ch Marak (E.G.H.D) bad na ka liang ki khynnah kynthei dei ka Sneha Thapa(E.K.H.D), Coach-A.S.Mercy ( Head coach Khelo India).

Haba  iadei pat bad ka jingiakhun jong ka Indian Round kaban long ha ka 29 bad ka 30 tarik mynta u bnai ki long na ka liang ki shynrang dei u Rickychan Iawphniaw (S.W.K.H), Bravestarwell Nongbri (W.K.H.D), Remedy Nongpluh (E.J.H.D), Rakkamrik M. Marak(E.G.H.D).

Katba ki khynnah kynthei pat, ki long Illarisuk Wanniang (S.W.K.H.D). Merisha Marthong (W.K.H.D), Maphibapynkmen Marngar (S.W.K.H.D), Emisha Kharsohphoh (W..K.H.D),  Coach-A.S.Mercy (Head Coach) Khelo India center coach Shillong.

Kumta, ka synjuk ka shim ruh ia kane ka kabu ba kan ai ia la ka kitbolk ka kitrwiang ia kane ka kynhun baroh kawei ba kan poi suk poi sain bad ruh ban lah ban ialehkai bha khnang ban lah ban wanrah ia ka nam bad burom ia ka jylla hi baroh kawei.