Shillong, Naiwieng 20 : U Heprit Adric Lyngdoh Nonglait lem bad I Heprit Larika Kharkhylliang, ki ba dei ki nongialehkai Judo napoh ka East Khasi Hills bad Eastern West Khasi Hills District, ki la wanrah nam ia ka jylla, da ka jingioh khur ia ka takma rupa bad rnong na ka lympung ialehkai Sub-Junior National Judo Championship 2025–2026.
Kane ka lympung ialehkai ka dei kaba la pynlong ha Lal Bahadur Indoor Stadium, Hyderabad naduh ka 16-20 tarik mynta u bnai, bad pynlong ia ka da ka Judo Federation of India.
Ha kane ka kynti kaba mynta, na ka liang ka synjuk Meghalaya Judo Association (MJA), ka la lah ba kan sei madan phra ngut ki nongialehkai, ha kaba kine arngut ki la lah ban wanphai sha la iing lem bad kitei ki tak ma.
U Coach kane ka kynhun dei u Jonathan Larinsanga bad ka jingioh ban ialam ia kane ka kynhun ka la wan hadien ba ka MJA ka la lah ha kaban pynlong ia ka Meghalaya State Judo Championship, ha ka 27 bad ka 28 tarik u bnai Risaw ba la dep.
Ka kyrwoh na ki nongialam ka MJA, ki niew bad shim ba kane ka jingioh khur kine ki arngut ki samla ia kine ki takma ki long kum uwei pat na ki mawmer jong ka jingialehkai Judo hangne hapoh ka jylla, kaba kren shai kdar ruh ia ka jingdon jong ka sap ba nylla ki khynnah bad ka jingkhreh ban kiew bad paw jong kane ka jingialehkai.
