Guwahati, Naiwieng 18: Ka ri Ireland kala pynbna ba kan long kum ka official country partner na ka bynta ka tamasa Hornbill Festival 2025, kaba dei ka tamasa kaba heh tam hapoh ka jylla Nagaland ka ban pyni ia ka jingriew spah ka kolshor hakhmat ka pyrthei.
Ia kane ka jingpynbna la leh lang da u Myntri Rangbah ka jylla Nagaland u Neiphiu Rio bad u Ambassador u Kevin Kelly ka Embassy ka ri Ireland ha India ha Naga House, New Delhi ha ka 18 tarik u bnai Naiwieng.
Kum ka paralok ban ia trei lang, ka ri Ireland kan wanrah ïa ka prokram paidbah sha ka Hornbill 2025 — kynthup ïa ka investment roundtables, music showcases, public art installations, theatre and literary collaborations, and a curated dialogue series titled Ireland, India and Empire.
Kawei na ki ba kongsan kan long ka jingshad jong u Bóinn, ka kynhun tem thymmai ba la thaw da ki dkhot jong ka kynhun tem tynrai ba pawnam jong ka ri Ireland ka The Mary Wallopers, ryngkat bad kiwei kiwei ki nongrwai jong ka ri Ireland.Kane ka kynhun kan plie ïa ka tamasa bad kan pyni ïa ka jingrwai tynrai jong ka ri Ireland bad ki jingrwai tynrai kiba duna bha kiba la pyrkhat thymmai na ka bynta ki nongpeitkai ha kane ka juk mynta.
Ka Embassy kan sa ai ruh ïa ka jingïakren da ka Professor Jane Ohlmeyer, MRIA, kawei na ki nongthoh history jong ka Ireland bad ka Chairman jong ka Irish Research Council. Kan kren halor ka history jong ka jingsynshar ki dohlieh jong ka Ireland bad kan ïasam ïa ki jinghikai bad ka Nagaland.
U Kevin Kelly u la ong, ka jingïatreilang ka ri Ireland bad ka Hornbill Festival ka pynpaw ïa ka jingïadei kaba nang jylliew ha ka kolshor hapdeng kine ki ar tylli ki ri.
“Ka jingïatreilang hapdeng ka ri Ireland bad ka Hornbill Festival ka pynpaw ïa ka jingïadei hapdeng ka ri Ireland bad ka India bad ka jingïatreilang ha ka kolshor bad ka jingïakren ban tei ïa ka jingsuk. Ngi kyrmen ba ki paidbah jong ka Nagaland kin sngewtynnad ia ki kolshor bad ki riti dustur jong ki Irish bad ka jingpyniasoh ka ban long ha ka Hornbill Festival 2025 bad ka jingiatrei lang ka ban kham khraw ha ki snem ban wan.”
Na ka liang u Myntri Rangbah ka Nagaland u Neiphiu Rio u la pdiang sngewbha ia kane ka rai ban ia trei lang, da kaba u la ong ba kane kadei kaba don jingmut bad kaba kyrpang bha.
“Ka Nagaland ka pdiang sngewbha da ka jingkmen ia ka ri Ireland kum ka paralok jong ka ri ban iatrei lang.Ka jingriew spah jong ka kolshor ka ri Ireland ka ia sawa bad kumjuh ruh ka jong ngi.Ngi iohi ia ka jinglah ba khraw ban dang pynheh shuh shuh ha kiba bun ki liang kum ha ka tourism, education, creative industries, youth exchange, sustainable development, bad ka jingiatrei lang jong ki briew bad ki briew.”
Da kaba pyndap ïa ka jingïatreilang, ka artscompany ka Kaivalya Plays ban a Delhi kan pyni ïa ki jingpule ba la pynlong drama jong ki nong Dublin jong u James Joyce—ka bynta jong ka jingrakhe ïa ka snem jong ka jingkmen ha ka pyrthei—ryngkat bad ka theatre workshop na ka bynta ki artist ne ki nongdro dur ka Nagaland.
Ha kawei pat ka jingpynbyrngia, ki Irish pagan goddess Danu—ka jingpynwandur paidbah kaba itynnad bha kaba la thaw da ki nongdro dur jong ka ri Ireland na Macnas ha ka jingiatreilang bad ki nongdro dur jong ka ri India—kin mih ne paw kyrpang ha katei ka tamasa, kaba la wanrah sha Kohima ha ka jingiatreilang bad ka Embassy jong ka Ireland, ka Honorary Consulate General ha Kolkata, bad ka Keventers Agro.
Ka Hornbill Festival kaba ju pynlong man la u snem ha u bnai Nohprah naduh ka 1 haduh 10 tarik ha Nagaland kaba dei ruh ka tamasa kaba heh tam ka ban pyni ia ka jingriewsoah jong ka kolshor bad ka riti dusturr.Naduh u snem 2000, kala nang kiew bad roi bha hapdeng ki 17 tylli ki jaitbynriew, kaba pynroi ia ka kam jngohkai pyrthei, ka jingpyniasuk, bad ka jingsarong ia ka kolshor.
Shuh shuh ka sorkar Nagaland kala pynbna ruh ia ka Air India Express kum ka official Travel Partner na ka bynta ka Hornbill Festival 2025, ka ban dang pynkhlain ia ka jingpyniasoh ha suin bad ban kyntiew ia ka jingleh kmen ia ka kolshor ba pawnam.
Ia kane ka jingpynbna la pynbna ha ka sngi Nyngkong ha headquater jong ka airline ha Gurugram da u Abu Metha, uba dei u Advisor jong u Chief Minister bad Chairman ka Investment & Development Authority of Nagaland (IDAN), ha ryngkat bad u Aloke Singh, Managing Director of Air India Express.
U Myntri Rangbah ka Nagaland u Neiphiu Rio u la pdiang sngewbha ïa kane ka jingïatreilang, da kaba khot ïa ka kum ka jingïatreilang kaba biang por kaban pynbha ïa ka jingïakynduh jong ki nongwan jngohkai katba ka dang pynpaw ïa ka jingriewspah ka kolshor jong ka jylla sha ki paidbah kiba bun.
“Kane ka jingïatreilang ka pynskhem ïa ka jingthmu lang jong ngi ban tei ïa ka jaitbynriew bad ka thaw ïa ki lad ki lynti kiba kham heh na ka bynta ka kam jngohkai pyrthei, ka jingïakylliang kolshor, bad ka jingkiew ha ka ïoh ka kot ha ka Ri jong ki Tamasa,” ong u Rio.
