Shillong, Naiwieng 18 : Ka Constitutional Rights Forum (CRF) kala aiti ia ka jingkyrpad sha u Myntri Rangbah ka Jylla ba kyntu ia ka Sorkar ban buh ia ki email address bad number phone jong ki Myntri bad ki Ophisar ba hakhlieh duh jong ki Tnad treikam ha ka website ka Sorkar Jylla.
Kat kum ka jingong ka Forum, kane kan nang pynkhlain ia ka jingioh lad ban iakren beit beit hapdeng ki paidbah bad ki bor Sorkar, khamtam kito kiba na nongkyndong bad kiba duk ba raitoi.
“Ka Forum kala kyrpad ia u CM ban bthah ia ki Tnad treikam ba kin thep bad pynthymmai man ka por ia ki email bad phone numbor jong ki Myntri lem bad ki Ophisar ba hakhlieh duh ki Tnad ha ki rynsan ka Sorkar” ong ka shithi bala phah ha ka sngi Ba-ar.
Ka CRF kala kdew ia shibun ki jingeh ba iakynduh da ki nongshongshnong ban ioh pynsngew sha ki Myntri bad ki Ophisar haba iadei bad ki jingeh ba ki iakynduh, ki jingtyrwa lane ki jingkyrpad.
 kala aiti ia ka jingkyrpad sha u Myntri Rangbah ka Jylla ba kyntu ia ka Sorkar ban buh ia ki email address bad number phone jong ki Myntri bad ki Ophisar ba hakhlieh duh jong ki Tnad treikam ha ka website ka Sorkar Jylla.){kind=link}