Shillong, Naiwieng 18 : Ka Iingkashari Special Judge (NDPS) ka South West Khasi Hills, kala hukum ban set phatol 10 snem bad ka kun aba T.1 lak ia ki 3 ngut ki snar nongkhaii droks, kiba la ioh kem da ki shipai Border Security Force (BSF) na ka thain Ranikor.
Kine ki laingut ki kyrteng u Somison Sangma, Gopal Borman bad u Jenel D Sangma, kiba dei na ka shnong Nongkriah, kaba hap hapoh ka Mawsynram Police Station, East Khasi Hills.
Kat kum ka jingiathuh u Superintendent of Police ka SWKH Bah B Jyrwa, kine ki laingut kila shah kem ha ki BSF ha ka 19 tarik Kyllalyngkot 2024.
Kat kum ka jingong jong u, u Asst Commandant ka 193 Bn ki BSF Irfan Bashir Magrey ula ujor da ka ejahar pyrshah ia kine ki laingutha ka 19 tarik Kyllalyngkot ba pyntip ba ha ka por 10:30 baje mynstep, ki shipai katba ki dang pahara, kila ioh bat ia ka thuk thuk ba shong kine ki laingut namar ka jingishankhmat ia ka rukom iaid rukom ieng jong ki.
Hadien kane, ki BSF kila pyntip noh ia kane ka jingjia sha ki Pulit ka Ranikor Police Station bad la khot sakhi lang ruh ia u Magistrate bad BDO ka Ranikor Bah S Marwein, ban talasi ia kine ki briew. Ha ka jingtalasi, la ioh kurup ia 9 tylli ki song ba don u yaba tablet (1728 tylli) na ka met jong ki.
Ki Pulit kila register case ia kine ki lai ngut hapoh ka kyndon 22 ( C) /29 jong ka NDPS Act bad la tohkit ia ka da u ABSI A Syiemlieh. Une u Investigation Officer ula pyndep ia ka chargesheet ha ka 03/05/2025, iathuh u SP.
Namar ki sabut kiba khlain, ka Iingkashari ha ka 11 tarik Naiwieng kala ai ia ka hukum ba rai pynrem ia kitei ki laingut ki nongkhaii droks bad hukum set phatok ia ki haduh 10 snem lem bad ka kuna ba mar T. 1 lak. La ong ba lada kim lah siew ia ka kuna, kin hap ban shong along sa 1 bnai.
“Lehse kane kan dei ka sien ba nyngkong ha Jylla ba ka Iingkashari kala rai pynrem bad hukum set along ia ki nongkhaii droks kiba la shah kem ha ryngkat u droks uba bun bha” ong une u Heh Pulit.
 ka South West Khasi Hills, kala hukum ban set phatol 10 snem bad ka kun aba T.1 lak ia ki 3 ngut ki snar nongkhaii droks, kiba la ioh kem da ki shipai Border Security Force (BSF) na ka thain Ranikor.Kine ki laingut ki kyrteng u Somison Sangma, Gopal Borman bad u Jenel D Sangma, kiba dei na ka shnong Nongkriah, kaba hap hapoh ka Mawsynram Police Station, East Khasi Hills.){kind=link}