Shillong, Naiwieng 15: Ka kynhun ialehkai ka Megha;laya ka la lah ban pynliem ia ka Nagaland da 8 wiket, kaba long artad ka nam jop kaba ar ka jong ka kynhun, ha ka lympung ialehkai U-23 men’s State A Trophy 2025-26 ba long ha Mohali, hynne ka sngi Saitjain.
Ka Meghalaya kaba la jop ia ka jingkynting pisa (toss), ka la ailad shwa ia ka Nagaland ba kan wan ba kan tied nyngkong, ha kaba ka la lah ban pynhap lut ki wiket ka jong hadien ba ka la kamai tang 85 ron na ki 31.1 over.
Haba la dei pat ka pali ban wan beh ia kane ka thong, ka Meghalaya ka la lah ba kan kot ia ka ha ka 23.2 over hadien ba ka la hap noh ar wiket.
Na ka liang ki nongtied (batsman) ka Nagaland, u Raja Swarnkar marwei u la lah ban kamai 25 ron, bad na ka liang ki nong kawang bol (bowler) u Chandra Bahadur Thapa ka Meghalaya u la lah ban lam khmat ia ka kynhun ban khur 3 wiket naka bynta 9 ron na ki 5.1 over, ia kaba la bynrap lang da u Shavian Blah 3/20 na ki 6 overs, Gavineal Marpna 2/9 na ki 8 over, bud pat sa u Pushkar Raj singh bad u Denikcheng Marak kiba la ioh ban ia khur mar 1 wiket.
Haka jingwan ban beh pat ia kane ka thong, u of Dipankar Baruah bad u Thunun Marak, ki la lah ban ialehkai bha bad baroh arngut ki la ban kamai ia ka 50 ron na ki 15 over, kaba ha kaba sdang I kumba kine baroh arngut imat kin lam khmat beit maki ban pynjop ia ka kynhun, ia kaba kane kam shim la urlong hadien ba u Dipankar u la out noh hadien ba u la lah ban kamai 33 ron bad haddien kane, la lap hap noh sa ka wiket jong u Shavian, ba khlem lah satia ban kamai ron eiei.
Pynban u Thunun (29 not out na ki 67 balls) bad Md Ashif Khan (16 not out na ki 16 bol), ki la seng ia ka nongrim kamai ron kaba 27 ron naka bynta ban lah ban pynpoi ia ka kynhun sha ka thong jong ka jingjop kaba suk.
Da kane ka jingjop, ka Meghalaya ka sah sa kawei pat ka jingiakhhun ba kan pyndep ha kaba kan khreh ba kan mih madan ban aireng pyrshah ia ka Mizoram, ka jingiakhun kaba la buh ban long ha ka sngi nyngkonng jong ka taiew kaban wan ha Chandigarh.
