Shillong, Naiwieng 07: Ka Jaintia National Council (JNC) kala pynpaw ia ka jingsngewkhia halor ka jingiakhih kaba dang iaid jongka Meghalaya Commercial Truck Owners and Drivers Association (MCTODA) ban pynpaw ia ka jingpyrshah ia ka jingbym siew jong ki kharkhana dewbilat ia ka bai kit jong ki trok.
Ha ka kyrwoh khubor ba la pyllait da ka JNC hynne ka sngi Thohdieng lyngba u President u Bah Sambormi Lyngdoh ula ong, ba kum ka seng kila dep ban ia kynduh bad ki nongkitkam jong ka MCTODA bad kila lap ba kitei ki company kila siew sha ki trok katkum ka dor ba la buh da ka sorkar, hynrei ia ka pisa kam ym shym la ioh pdiang da baroh.
U Bah Sambormi Lyngdoh ula kynnoh ba ka District Council ka pynkhlaiñ ïa ki kam khaii ia ki briew ki bym dei ki riewlum bad ailad ïa ki company ban ïoh ïa la ki jong ki trok, kaba ktah ïa ka ioh ka kot ki nongñiah trok trai ri.
“Ka JNC ka kyntu jur ia ka District Council ba kan pynjari da ki kyndon ain jong ka khaii pateng ia ki bym dei ki riewlum bad ia ka sorkar jylla ban buh kyndon ia ka jingshim kali jong kine ki company ban iada ia ka jingmyntoi jong ki trai ri trai muluk”, ula ong.
Shuh shuh ka JNC ka la kynthoh tyngeh ruh ia ka jingleh jong ka sorkar ia kane ka jingiakhih, da kaba ong ba ka jingkem ia ki nongialam ka MCTODA ka long pyrshah ia ka thong ban wad ia ka jingpynbeit ne ka resolution.
“Lada ka sorkar ka kwah shisha ia ka jingsuk, kadei ban pyllait noh mardor ia ki nongialam ka MCTODA bad khot ia ki sha ka miej jingiakren,” la ong u Bah Lyngdoh.
Ka JNC ka la khot bad wer ba kin ia tylli mlon kawei kum ki trai trok bad ki nongniah trok, da kaba kyntu ia ka JAC jong ka Jaintia Hills Trucks Association, ka East Jaintia Trucks Association bad ka MCTODA ban iatylli lang ban weng ia kane ka jingeh.
“Kine ki kompeni ki pyndonkam da ki buit ban pyniaphiah ia ngi, da kaba jingiapher khnang ban pyntlot bor ia ka jingpyrshang lang jong ngi pyrshah ia ki (company),” la maham u Bah Lyngdoh.
Ka JNC ka la pyntip ba ha jingialang ba kyrkieh jong ka CEC, ka pynrem ruh ia ki jingbyrngem jong u heh ka company pyrshah ia ki nongialam ka MCTODA.
“Ngin ym shah ia kino kino ki bor kiba thmu ban pynjah burom ia ngi kum ka jaitbynriew trai ri trai muluk,” la ong u Bah Lyngdoh.
 kala pynpaw ia ka jingsngewkhia halor ka jingiakhih kaba dang iaid jongka Meghalaya Commercial Truck Owners and Drivers Association (MCTODA) ban pynpaw ia ka jingpyrshah ia ka jingbym siew jong ki kharkhana dewbilat ia ka bai kit jong ki trok.){kind=link}