Shillong, Naiwieng 04 : Ki Pulit ka West Jaintia Hills, kila ioh tam ia kawei ka shyieng briew n aka khlaw Rachi, jong ka Shnong Mookyndur ha ka 30 tarik Risaw.
Wat hadien ka jingtohkit bad leh ia ki jingdonkam baroh, ym pat shym la lah ban ithuh ia ka met, ong ki Pulit ha ka sngi Ba-ar.
Ki tiar bala ioh tam najan kine ki shyieng ki kynthup ia u ksai rong saw, lai tylli ki shabi bad u pin.
U SP ka District Jagpal Singh Dhanoa ula kyntu ia ki paidbah ban ai ia kino kino ki jingtip kiba lah ban pynithuh ia une u briew.
Kino kino kiba don ia ki jingtip lane ba kwah kam ia ka metiap ki lah ban phone sha ki police station ba marjan lane ha kine ki phone nombor (6002152968/ 9774065467) hapoh ka san sngi.
