Shillong Naiwieng 02: Ka Raibah Living Library, kaba dei ka sienjam ban rakhe ia ka jingstad tynrai bad ka jingpule ha ka shnong ka thaw, la plie ha ka shnong Raibah, South West Khasi Hills District.
Ia kane ka jingialang halor ka mat “A Step in Futurity,” la pynlong da ka Captain Williamson Sangma State University (CWSSU) bad Martin Luther Christian University (MLCU) ryngkat ka jingiatreilang bad ka Green Hub bad Royal Enfield.
Kane ka Library ne jaka buh ia ki kot kadei da ka jingthmu ban pyniasoh ia ki pateng lyngba ka jingiakren, ka jingpynwandur bad ka jingpule kaba ngam jylliew ha ka kolshor bad riti dustur ka shnong ka thaw.
Lyngba kane ka jingplie la pynlong ia ka jingiathuh ia ki khana, ka jingpyninam iaka kolshor, ki jingialehkai tynrai, ki jingai jingkren ha kaba la pynpaw ia ka jingkongsan ki shnong ki thaw ha kaba iadei bad ka jingpule bad ka jingpynkhie im iaka jingstad tynrai.
La pyni ruh ia ka documentary film kaba la pyni shaphang ka jingiaid lynti jong ka Raibah Living Library bad TALES.
La pynkut pat ia kane ka jingialang da ka jingiabam ja lang bad ka jingpynbyrngia lyngba ka tem ka put kaba banjur ia ka jingdon ia ka jingiatylli bad ka jingdon lang ia kajuh ka jingthmu.
