Jowai, Risaw 27 : Ki nongniah trok bad nongbud kiba don ha ka shatri jong ka Meghalaya Commercial Truck Owners & Drivers Association (MCTODA) ha ka sngi Nyngkong,kila pynsdang ia ka jingiakhih ba khlem pud ha Jowai Bypass, Soomer Mihmyntdu, da kaba pynphai lut ia baroh ki trok kit dewbilat bad clinker sha ki karkhana kiba don ha East Jaintia Hills.
Kane ka jingiakhih ka dei kaba la pynlong kum ka jingpyrshah ia ki karkhana ha Ri-lum Jaintia namar ka jingkynnoh ba kim shym la pynurlong ia ka jingdawa ban pyntreikam ia ka dor kit mar bala buh da ka Sorkar Jylla.
Wat hadien ka jingkyntu na u Deputy Commissioner ka West Jaintia Hills, uba ha ka 24 tarik Risaw ula thoh sha ka Association ban pynsangeh ia kane ka jingthmu iakhih, ka MCTODA kala pyniaid shakhmat ia kaei kaba la thmu, haba ban jur ba ka jingiakhih jong ki ka dei namar ka jingdawa iala ka hok ba dei ban ioh.
Ki bor District kynthup ki Magistrate bad ki Pulit kila hiar sha kane ka jaka ba iakhih ban iakren bad ki nongniah trok hynrei kim shym la lah ban pynkohnguh ia ki ba kin weng ia ka jingiakhih.
Kat haduh ka por janmiet, ka jingiakhih jong ka MCTODA ka dang iai bteng ha Jowai Bypass, kaba la pynthut ia ka leit ka wan ki trik kit dewbilat bad clinker na ka thain.
 ha ka sngi Nyngkong,kila pynsdang ia ka jingiakhih ba khlem pud ha Jowai Bypass, Soomer Mihmyntdu, da kaba pynphai lut ia baroh ki trok kit dewbilat bad clinker sha ki karkhana kiba don ha East Jaintia Hills.){kind=link}