Shillong, Risaw 24: Ka Trophy jong ka Women’s Tri-Nation International Friendlies, la pyllait paidbah ha ka sngi Palei ha Jawaharlal Nehru Stadium, kaba dei ka dak jong ka jingsdang ka jingiakob ialehkai Football kaba shongshit bha jong ki thei ialehkai na ki lai tylli ki Ri.
Kane ka jingialang kala wan lam lang ia ki heh ophisar, ki nongialehkai bad ki nongpyniaid kiba don ia kajuh ka jingangnud ba kane ka lympung iakob ialehkai football kan kyntiew ia ka jingialehaki football ki kynthei ha ka thain.
La wan ban iadonlang ka kynhun ialehkai ka India, Iran bad Nepal ha kaba la khmih lynti ba kane ka jingiakob kan long kaba itynnad bad kaba shongshit, kaban pyni ruh ia ka jingtbit ialehkai football ki kynthei na kylleng ka dewbah Asia.
Ka nongbah Shillong kan pynlong ia baroh kitei ki jingiakhun bad ka nongbah kala pynkhreh ban pynkhie im da ka mynsiem jong ka jingialehkai, ka jingiatylli bad ka jingiadei paralok hapdneg ki ri.
