MSWL | Jop kput ka Laitkor ia ka Lapalang | Thep ka samla Iaraplang haduh 11 kol

Shillong, Risaw 23 : Ka Samla Iaraplang Nongrum, marwei ka la  ioh ba kan thep haduh 11 tylli ki kol bad pynioh ia ka kynhun ialehkai Laitkor SC ban jop haduh 23-0 kol pyrshah ia ka Lapalang, ha ka jingiakhun ba long ha ka lah sngi U Blei ha Polo.

Ia kine ki kol, ka iaraplang ka la ioh ba kan thep ha ka minit kaba 1′, 7′, 9′, 25′, 29′, 60′, 66′, 68′, 73′, 80′, 90’+1, ba dia ki kol kiba sah la thep pat ia ki da ka Ilenaki Laloo (23′, 40′), Saralin Warlarpih (26′), Inrila-i-dor Khongthaw (30′, 42′, 45′, 49′), Eiladki Ksoo (65′, 90′), Ibashisha Khongwet (69′, 83′, 87′).

Kane ka dei ka resol na ka jingiakhun jong ka Gr-A jong kane ka lympung ialehkai.

Haba phai pat sha ki resol na ka jingiakhun jong ka Gr-B ka kynhun ialehkai ka  Jakrem SC (Mawkyrwat District SA) ka la lah ba kan pynliem noh ia ka Young SSCC (Pyndengumiong DSA) 3-1, bad ia kine ki kol la thep ia ki da ka Banhunlang Synrem (27′), Banrihun Wahlang (47′), bad ia ka shi kol ka Young SSCC.  la thep ia ka da ka Bankyntiew Ryntathiang (32′).

Kumta kaba sah ka long sa ia ki artylli ki jingiakhun kiba dei jong ka Gr-A, kiba la buh ban long ha ka nsgi Saitjain ha kaba ka  Saturday Attacker’s Youth Club ka  Pahamsyiem kan iakhun pyrshah ia ka  Lapalang at 10 baje mynstep ha Shillong, bad ha ka lah sngi U Blei ka taiew kaban wan, ka Pay For Right kan iakhun pyrshah ia ka Laitkor, ka jingiakhun kaban long ha kane ka juh ka madan.