Nongpoh, Risaw 10: U Superintendent of Police ka Ri-Bhoi District, u pyntip ba ka don ka jingsuba kaba jur ba I Khynnah skul ba 13 snem ba shah pyniap ha Khyndewsoo, Ri-Bhoi, ila shah leh beijot hashuwa ban shah pyniap.
Une u Heh Pulit u pyntip ruh ba u don uwei u briew ba suba leh ia kane ka kam bymman bad une u briew ula jah rngai naduh hynnin ka sngi Palei. Ka jingthwet mynta kala iaid shakhmat ban ioh kem ia une u briew.
Kat kum ka jingong une u Heh Pulit, ine I Khynnah ila jah naduh ka por 11 bae mynstep jong ka sngi Palei hadien ba wan phai na skul. Ki bahaiing ine I Khynnah kila iawad ia I naduh ka por janmiet bad ia ka metiap la lap ha ka por 7:20 baje janmiet.
U SP u pyntip ba ia ka met la pynkit noh sha Nongpoh Civil Hospital ha ka por mynmiet hadien ka jingtohkit bniah ha ka jaka ba lap ia ka met da ki Heh Pulit lem bad ka kynhun Forensic Science Unit.
U iathuh ba ia ka post mortem la leh ha ka step sngi Thohdieng bad na ki dak ki shin, la paw ba ka dei ka kam leh beijot bad pyniap.
Ia kane ka case la register ha Mawlasnai Police Station bad ka jingtohkit kala iaid shakhmat.
