Shillong, Risaw 09: Uwei u Karbi ula iap ha ka jingkulmar kaba mih na ka jingiakynad hapdeng ki paid Karbi bad ki Pnar hapoh ka shnong Lapangap, West Jaintia Hills.
Kane ka jingjia kala jia ha ka sngi Balang katba ki paid Pnar ki dang leit ot kba hapdeng ka jingpahara ki Pulit ka Meghalaya bad Assam.
Ki paid Karbi na ka shnong Tahpat, kila mih ban pynthut ia ka jingleit lyngkha ki paid Pnar, kaba lam sha ka huri hura bad ka jing kynad kaba jur bha.
Ha kane ka huri hura, uwei u briew na ki paid Karbi ba kyrteng u Orivel Timung ba 45 snem, ba na Tahpat, ula iap na ka jingmynsaw jur.
Namar kane ka jaka ba jia ka hap ha Meghalaya, ia kane ka case la register ha Nartiang Police Station.
Ki Pulit kila pynsangeh noh ia ka jingleit lyngkha bad jingia otkba ha ka thain bad ia ka metiap u Timung la kit noh sha Hamren ban leh post mortem.
Ki bor District ka West Jaintia Hills bad West Karbi Anglong, kila pynjari da ka korphiw ha ki jaka khappud jong ka thain Lapangap.
