Shillong, Risaw 3: Kawei ka kali kala julor jur ha ka miet sngi Balang, hadien ba u maw uba hap n alum, u la lyngshop ha ka surok Shillong–Pynursla–Dawki, bad ha kane ka jingjia, ki briew kiba don hapoh kali (passenger side) kila lait salit khlem kano kano jingjia.
Kane ka jingjia kala jia hajan ka shnong Pomlum, ka jaka ba dang iaid ka jingshna pynheh ia ka surok .Katkum ki khubor, kane ka kali ka dang iaid lyngba kane ka surok hynrei namar ba don ki maw ba shong kynrong, ki la hap bad dei beit beit ia kane ka kali kaba la wanrah ia ka jingjulor.
Hynrei jia ryngkhat ba ki briew kiba don hapoh kali kila ioh ban mih kloi napoh ka kali ha ka por kaba biang, kila shu lait salit na ka jingjia ba sngewsih.
Kum ban shu kdew, ka SDO jong ka Pynursla kala dep ban pynmih ia ka jingpyntip paidbah ha kine ki sngi ba la leit ba pyntip ia ka jingpyrkhing ia ka jingiaid ki kali hapdeng Laitlyngkot bad Lyngkyrdem na ka bynta ka jingshngain namar ka jingther u slap bad ka jingshong synjor ka khyndew ha kane ka thain.
Na ka liang ki bor ba dei peit kila maham ba kane ka bynta jong ka surok ka don jingma ha ka por slap katba ym pat dep ban pynbha ia ka.
 kila lait salit khlem kano kano jingjia.){kind=link}