Shillong Nailur 19: Ka Jaintia Students’ Union (JSU) kala dawa na ka Sorkar Jylla ba kan n leh ia ka Safety Auditing ne ban khmih bniah ia ka jingshngain jong ki ar tylli ki jingkieng kiba kongsan-kawei kaba don hajan ka ktem jong ki shipai Border Security Force (BSF) bad kawei kaba don halor ka Wah Lukha ha ka shnong Sonapur, East Jaintia Hills.
Haka shithi kaba la phah sha u Deputy Commissioner ka East Jaintia Hills ha ka sngi Thohdieng, ka JSU kala ong ba ka Jingkieng halor ka Wah Lukha kala buh ha ka jingma kaba khraw ia ki nongiaid nongieng namar ka rta jongka bad ka jingkyrda na ki jingkit kiba khia.
Kane ka jingkieng kala nang synjor namar ka jingiaid palat jong ki kali heh bad ka jingdheng kali ha kaba ki don ki khep ba haduh 20 tylli ki trok ki ieng ha baroh arliang jong katei ka jingkieng.
“Da kaba shim ba katei ka jingkieng kadei kaba la shna la slem bha, ka jingkhlain bad ka jingskhem ka jongka ban kyrda ia ka jingiaid ki kali heh kiba kit khia bha ka long kaei kaei kaba hap ban buh jingkylli. Nalor kane, katei ka lynti ruh kadei kaba kongsan bha ia ki paidbah bad ia ki kali bapher bad kumta kano kano ka jingjia kum ka jingkhyllem ne jingtwa kan ym buh tang ia ka jingim briew ha ka jingma hynrei kan pyndkoh ruh ia ka leit ka wan bad ia ka kit ka bah, kaban lam sha ka jingeh kaba khraw ia ki paidbah ka thain bad ia kiwei kiwei” ong ka JSU.
Halor kane, ka JSU kala kyrpad ia u Deputy Commissioner ban pynlong mardor ia ka jingjurip da ki riewshemphang ha ka Technical bad ki Engineer ban shim noh mardor ia ki sienjam ban iada na kino kino ki jingjia kiba sngewsih ne ban pynthud ia ka leit ka wan.
“Ban wad ban pyntreikam ia ki lad jingiada, kum ka jingpyrkhing ia ka jingiaid ki kali heh ne ban pynjari ia ka jingkit palat pud tad haduh ban da la pyndep ia ka jingmaramot ne jingshna biang bad ban shim ia ki sienjam kiba kongsan ban shna pynthymmai, ban pynkhlain biang ne ban bujli noh ia ka jingkieng ha ka Wah Lukha ban pynthikna ban don ia ka jingshngain kaba neh slem bad ban ym don kano kano ka jingthud ha ka jingkit jingbah ia ki mar” la pynapw ka JSU ha ka shithi.
 kala dawa na ka Sorkar Jylla ba kan n leh ia ka Safety Auditing ne ban khmih bniah ia ka jingshngain jong ki ar tylli ki jingkieng kiba kongsan-kawei kaba don hajan ka ktem jong ki shipai Border Security Force (BSF) bad kawei kaba don halor ka Wah Lukha ha ka shnong Sonapur, East Jaintia Hills.){kind=link}