Itanagar, Nailur 16: Kumba 90 ngut ki khynnah skul ka Kasturba Gandhi Balika Vidyalaya (KGBV) kaba don ha Nangnyo jong ka Pakke Kessang district, kila pynlong ka jingiakhih da kaba iaid kjat haduh 65 km na ka bynta ban dawa nonghikai ha ka skul jong ki.
Ha ryngkat bad ka uniform rong Blue ba ki phong, kine ki khynnah skul kila ia mih ryntih na ka shnong Nyangno ha ka sngi u Blei, da kaba iaid kjat baroh shimiet bad kila wan poi ha Lemmi, kaba dei ka district headquarters, ha ka step sngi Nyngkong, ong ki heh ophisar.
Ka video ba iaid kjat jong kine ki khynnah ha ka por mynmiet bad ka jingwan poi ka jong ki ha ka por mynstep kala saphriang bha ha ki social media.
Ia kane ka kynhun jong ki khynnah skul la ialam da ki khynnah class 11 bad class 12, Kine ki khynnah skul kila rah lang ruh ia ki poster kiba don ia ka jingthoh kiba ong “A school without a teacher is just a building” lane ka skul kaba khlem don ki nonghikai kadei tang ka iing ne ka jingtei” bad kila pyrta ruh ia ki slogan ban dawa ban thung mardor ia ki nonghikai ha ka subject Geography bad Political Science.
Ki nongiakhih ki la kam ba ki la shah pynbor ban shim ia katei ka sienjam hadien ba ki la kyrpad bunsien sha ki heh ophisar jong school and higher education hynrei kim shym la ioh jubab.
Ki bor pyniaid skul ki la pynthikna ia ka jingduna.Ka headmistress ka la kam ba ym don nonghikai Geography bad Political Science hynrei ka la ban jur ba ka skul ka don ki nonghikai kiba biang na ka bynta kiwei pat ki sobjek.“Ki course ki la dep ban pyndep na ka bynta ki eksamin shiteng snem” ne“The courses have already been completed for the half-yearly examinations,” ka la ong.
Ki ophisar u la ong ba kine ki khynnah skul kim shym la pyntip sha u warden jong ka hostel ne kibor ba dei peit ban pynlong ia kane ka jingiaid paidbah ban pyrshah .
 kaba don ha Nangnyo jong ka Pakke Kessang district, kila pynlong ka jingiakhih da kaba iaid kjat haduh 65 km na ka bynta ban dawa nonghikai ha ka skul jong ki.){kind=link}