Jowai, Nailur 15 : Kawei ka Longkmie la suba jur ba kala pyniap iala ki jong ki Khun Kynthei hashuwa ba kan dkhat jubor iala ka jingim ha u tyllai phasi hynne ka sngi Nyngkong ha Green Colony ka Top Cement Limited, kaba don ha shnong Thangskai, East Jaintia Hills.
Kane ka Longkmie ka kyrteng ka Rippa Das (24 snem), katba ki khun kynthei ki kyrteng ka Arpita Das (3.5 snem) bad ka Punchami Das (8 snem). Ia kine ki khun Kynthei la lap ba kila thiah iap ha jingthiah. Baroh kine ki shikmie shikhun ki dei n aka shnong Baratali, Kalain, kaba hap hapoh ka Katigorah Police Station, Cachar, Assam.
La ioh jingtip ba u kurim ka Rippa, u Apon Das (35 snem) ula wan sha iing ha ka por mynstep ban bam ja step bad ula mih biang na iing ha ka por 2 baje nohphaisngi.
Ha ka por 5:50 janmiet, haba u Apon ula wan phai sha Iing, ula lap ba ka jingkhang iing kala khang na shapoh bad ha ryngkat ki marjan, kila kyndang ia ka tin CGI ba sah syndah ka jingkhang bad ynda rung hapoh, kila lap ia ki metiap bym don mynsiem shuh jong kine ki Khun ha jingthiah katba ka Rippa pat ha u tyllai phasi.
Ia kane ka jingjia la pyntip mar mar sha ki bor pahara jong kane ka kharkhana, kiba la pyntip pat sha ki Pulit ba kin wan tohkit bad leh ia kaba donkam.
Ka jingtohkit ia kane ka jingjia kala iaid shakhmat.
