Shillong, Nailur 15: Ka Screening Test ban ioh rung sha ka UPSC-CSE coaching session 2025-2026 jong ka All India Services Pre-Examination Training Centre, Shillong yn pynlong ha ka 20 tarik Nailur naduh ka por 10 baje mynstep haduh ka por 12 baje mynstep ha Shillong, Jowai bad Tura.
Ha Shillong ka jaka kan long ha Cluster Room jong ka NEHU (Non-Science), Umshing, Mawkynroh, ha Jowai kan long ha Ummulong Presbyterian Higher Secondary School bad ha Tura kan long ha Tura Government College.
Ia kane la pyntip da u Director ka All India Services Pre-Examination Training Centre, MATI (Campus) u Swapnil Tembe.
