Shillong, Nailur 11: Ka Kynhun Myntri kala ai jingmynjur ia ka kaiphod ‘Financial Closure’ jong ka Saubhagya bad Deen Dayal Upadhyaya Gram Jyoti Yojana (DDUGJY) Schemes, ba la aiti da ka Meghalaya Power Distribution Corporation Limited (MePDCL), watla kala bthah ban leh da kaba tyngeh pyrshah ia ki kontraktor kiba la don ia ka jingkitkhlieh halor ka jingbym pyndep ia ka kam kaba kot T.54 lak.
Ka Scheme ka thmu ha kaban ai ia ka bording elektrik sha ki longiing longsem, kala mad ia ka jingpynslem namar ka jingsahteng jong ka jingtohkit bad ki mat kiba iadei bad ka jingpynshisha.
“Ngi lah pdiang ia ka kaiphod bad ngi lah mynjur ia ka ‘Financial Closure’ jong ka Saubhagya DDUGJY bad ia kiwei pat ki scheme,” la ong u Myntri Rangbah ka Jylla u Conrad K Sangma haba iakren bad ki nongthoh khubor, hadien bala dep lum ia ka jingialang jong ka kynhun myntri hynne ka sngi Palei.
U Sangma ula pyntip ba la dep ban aiti ia ka Physical Closure Reports sha ka Rural Electrification Corporation (REC) bad sha ki kynhun jong ka Sorkar Pdeng, 3 snem mynshwa, ka MePDCL kala ioh ia ka jingbthah ban pynlong ia ka jingkhmih ban pynshisha namar ka jingujor shaphang ka jingbym trei pyndep ia ki kam ha ki katto katne ki jaka.
“Hadien ba la khmih bniah la bunsien, ka MePDCL kala shem ba na ka T.96 Klur ka jinglut jingsep ban trei ia ka kam kaba don hapdeng ka jingbuh jingkylli, T.54 lak ka kam kaba dang sah ban pyndep kadei kaba dang sahteng” ula ong bad ka bynrap “Halor katei ngi lah mynjur ia ka Financial Closure Report na ka MePDCL bad la ai jingbit hynne ka sngi da ka MePDCL ban iaid shakhmat bad ka Financial Closure katkum ka kaiphod ba ka kam kaba T. 54 lak kadei kaba ym pat lah ban pyntrei pyndep, kaba mut ba ka jingsiew ia katei ka T.54 Lak yn ym pat ai, katba ia kiwei pat ki kam la dep ban pyndep, ka jingpynshisha la dep ban leh bad ka jingsiew kaba donkam yn sa pyllait”.
U Sangma ula pynbna ba katkum ka kaiphod na ka MePDCL, ka kynhun myntri kala rai ban ym pat ai ia kano kano ka jingsiew na ka bynta ka kam kaba ym pat trei pyndep kaba ktah ia ki 30-40 tylli ki shnong.
“Ia ki kontraktor yn sa shim kam ha kata ka rukom ba ia ka pisa yn ym pat pyllait sha ki” ula pynthikna.
U Myntri Rangbah ula pynpaw ia ka jingkyrmen halor ka RDSS (Revamped Distribution Sector Scheme) kaban sa wan kaban mynjur da ka Sorkar India, ia kaba la khmih lynti ba kan kynthup ia kiba bun ki shnong bad ia ki longiing.
“Ka RDSS kadei kaba la mynjur da ka Sorkar India, shisien ba la pyntrei ia ka kam, ngi kyrmen skhem ngin sa lah ban ai jan baroh ki nongshong shnong bad ki longiing”.
 Schemes, ba la aiti da ka Meghalaya Power Distribution Corporation Limited (MePDCL), watla kala bthah ban leh da kaba tyngeh pyrshah ia ki kontraktor kiba la don ia ka jingkitkhlieh halor ka jingbym pyndep ia ka kam kaba kot T.54 lak.){kind=link}