Shillong, Nailar 21 : Ki paidbah ka Shnong Mawiong, Macdonald Road, ha ka step sngi Palei, kila kem ia uwei u samla Garo bad kurup ia ka mobile phone halor ka jingkynnoh ba u ring video tuh ia ki khynnah skul ba phong skad tang na ki bynta jong ki khohwah-lbong, ha ka thain.
Une u samla Garo u dei uba kyrteng u Raymond Marak ba shong ba sah ha Mawlai Mawiong hapoh ka Block Tariang-B.
Kat kum ka jingiathuh ki Pulit, une u briew la kynnoh ba ula ring video tuh ia ki lai ngut ki khynnah skul kiba dei shipara, katba ki dang iaid lynti ban leit sha skul ha ka por mynstep hynrei ia kane ka kam la lap noh da u hynmen jong kine ki khynnah, uba la bat bad pyntip noh sha ki bor shnong.
La iathuh ba ha ka jingiapeit ia ki video hapoh ka phone, la kynnoh ba une u briew ula ring dur tang ia ki khohwah bad ki lbong jong ki khynnah skul bad la lap ruh ia bun ki video ba pyni ba ula leh bunsien ia kane ka kam kynthup sha kiwei kiwei ki jaka ha Mawlai.
Ki kynnoh ba une u briew ula pyndonkam da kaba buit kumba kren phone haba ring video ia ki khynnah.
Ia une u briew la aiti noh sha ki Pulit ka Mawlai Police Station kiba la register case ia u ha ki kyndon bapher bapher. Ka jingtohkit mynta kala iaid shakhmat.
