Jowai, Nailar 11 : Uwei u rangbah ula mynsaw jur hadien ka jingkum siat ialade na ka khlieh da ka pistol jong uwei u Heh Pulit ha ka jaka iabam khana ha Syntu ksiar, Jowai, ha ka janmiet sngi U Blei.
Une u rangbah ba tip kyrteng u Wanda-O-Najiar, ula ialeitkai bad la ki paralok kynthup u Sub Inspector Wewanroy Challan, Second Officer Incharge ka Nartiang Police Station, ha ka por ba jia kane ka jingjia, hapdeng ka por4:30 baje janmiet haduh 5 baje janmiet.
Ki Pulit ki ong ba u Wanda-O-Najiar uba la shoh khaw-iang, ula shim ia ka pistol u SI Challan bad lehkai hynrei ula kum khem ia ka bad bthei kuli, uba la leit shei ia u na ka khlieh. U SI Challan ula iathuh ha ki nongtohkit ba kam shym la don satia kano kano ka huri hura hashuwa kane ka jingjia bad kane ka jingsiat ka dei kaba shu jia ryngkhat.
Ia u Najiar la pynkit noh mar mar sha MCH, Panaliar hashuwa ban pynkynriah sha Woodland Hospital, Sabahmuswang da ka kali shimet u SI Challam. Hadien kane la pynkynriah noh sha Woodland Hospital, Shillong ban ioh ia ka jingsumar ba kham paka.
Ia kane ka tiar siat la kurup noh ban tohkit forensic bad la phah show cause ruh sha u SI Challan haba iadei bad kane ka jingjia.
