Shillong, Nailar 04 : U Nongialam ka National People’s Party (NPP) bad Myntri Sorkar Marcuise N Marak ula ong ba lada ka Ri-lum Khasi Jaintia kam kwah ban wanrah ia ka lynti rel, ka Ri-lum Garo khlem pep kan dawa ban pynpoi lynti rel ha ka thain.
“Lada ka Ri Khasi bad Jaintia kim treh ia ka lynti rel, khlem pep, ngi te ngin dawa (ha ri-lum Garo) namar ngi donkam ban pynpoi ia ka lynti rel sha kiwei kiwei ki jaka na Mendipathar” ong u Marak haba iakren bad ki nongthoh khubor ha ka sngi Nyngkong.
Une u MLA ka Williamnagar ula ong ba u MLA ka Siju-Ronggara Rakka A Sangma ula dep ban dawa ban pynpoi lynti rel haduh Baghmara bad kala don ruh ka jingdawa ban pynpoi sha West Garo Hills.
Ula ban jur ba ka jingpynpoi ia ka lynti rel na Mendipathar sha kiwei pat ki jaka kan ai jingmyntoi shi katdei eh ia ka thain, khamtam da ka jingpyndep ia ka jingkieng halor ka Wah Brahmaputra ka ban pyniasoh na Phulbari sha Dhubri.
“Nga kwah eh ban pan ia ka lynti rel haduh East Garo Hills hynrei kaba biang eh ka dei ban pynpoi sha South West Garo Hills namar ki don shibun ki kam rep ha ka thain bad lada pyniasoh bad hadien ba dep ka jingkieng halor ka Wah Brahmaputra ba pyniasoh na Phulbari sha Dhubri, kan sa dei ka jaka khaii pateng kaba heh ha West Garo Hills” ong u Marak.
Ka jingtyrwa ban pynpoi lynti rel ym tang ba kan pynkhlain ia ki lad pyniasoh hynrei kan kyntiew ruh ia ki kam khaii pateng ha West Garo Hills.
Haba kylli la un phah ia ka jingtyrwa sha ka Sorkar, u Marak ula pynpaw ia ka jingsngewhun namar ba ka lynti rel ban pyniasoh haduh Baghmara kan iaid lyngba ka Williamnagar, ka ban ai jingmyntoi bha ia ka thain.
“Kane kala biang palat ia nga namar lada pynpoi ia ka lynti rel haduh Baghmara, khlem pep kan iaid lyngba ka Williamnagar” ula bynrap.
 bad Myntri Sorkar Marcuise N Marak ula ong ba lada ka Ri-lum Khasi Jaintia kim kwah ban wanrah ia ka lynti rel, ka Ri-lum Garo khlem pep kan dawa ban pynpoi lynti rel ha ka thain.){kind=link}