Nongpoh, Nailar 01: Ka Composite Regional Centre for Skill Development, Rehabilitation and Empowerment of Person With Disabilities (Divyangjan) CRCSRE, Shillong Meghalaya hynne ka sngi Thohdieng, kala pynlong ïa ka Purple Fair for Divyangjan ha ka sien kaba nyngkong ha ka jylla ha Nongpoh Parish Hall kaba dei ka rynsan na ka bynta ki briew kiba don jingduna haki dkhot met ban pyni ïa la ka sap ka phong.
Kane ka prokram kala ioh ruh ia ka jingiasnohkti lang na ka ophis u Deputy Commissioner ka Ri-bhoi District lem bad ka Ophis jong ka District Social Welfare Ophisar, Nongpoh Ribhoi District ban plie lad ia ki briew kiba don jingduna ha ka dkhot met ban pyni ia ka sap ka jongki ha ka liang ka rwai ka siaw, ka shad ka ak drama bad kila ioh ruh ia ka lad ban pyni ïaki sap ki phong ha ki kam shna jingshna, ki kam thaiñ bad saiñ umsoh.
U Symbud Myntri Rangbah ka Jylla u Bah Prestone Tynsong ula wan ban jngoh ia kane ka prokram ha kaba la synran ia u da ki 4 ngut ki MLA jong ka Ri Bhoi.
U Deputy Commissioner ka Ri Bhoi u Abhilash Baranwal ula long kum u kongsan ha kaba la iadonlang ka ADC Ribhoi ka Kong B Rani, ka DSWO Nongpoh ka Kong NF Sun, u Ram Shaka Sahani Director ka CRCSRE Shillong, ka Ambassador jongka Purple Fair ka Kong Priska Pyngrope bad 526 ngut kiba la wan ban iashimbynta na kylleng ka Ri Bhoi District bad kiwei kiwei.
 CRCSRE, Shillong Meghalaya hynne ka sngi Thohdieng, kala pynlong ïa ka Purple Fair for Divyangjan ha ka sien kaba nyngkong ha ka jylla ha Nongpoh Parish Hall kaba dei ka rynsan na ka bynta ki briew kiba don jingduna haki dkhot met ban pyni ïa la ka sap ka phong.){kind=link}