Shillong, Naitung 24 : Ka sorkar Meghalaya ka la pynmih ia ka jingpynbna ia ka dor bainong kaba rit tam (minimum wage) na ka bynta ki nongtrei ha ki kam bapher bapher hapoh ka Jylla, ka ban sdang treikam naduh ka 1 tarik u Iaiong, 2025.
Kane ka jingpynbna ka pynskhem ruh ia ka por trei ba 8 kynta ha ka shisngi bad 48 kynta ha ka shi taiew ia baroh ki jait nongtrei, kynthup kito kiba trei ha ki kam ban pynbit pynbiang ia ki briew ba wan nabar.
Kat kum ka jingpynbna ka Tnad Labour bala pynmih hapoh ka kyndon 5(2) jong ka Minimum Wages Act, 1948, ka bai nong ba thymmai kan kynthup ruh ia ka Variable Dearness Allowance (VDA), ka ban treikam ha ki 29 jait ki kam kata naduh ka kam rep kam riang, kam tei jingtei, kam tih marpoh khyndew, kam kamai kali, kam suhjain, kam karkhana kali, kam iing kam sem bad kam pahara.
Kat kum ka dor thymmai, ki nongtrei unskilled kin ioh mynta T.541 ha ka shisngi (kynthup ia T.16 ka VDA), nongtrei semi-skilled T. 583 (kynthup ia T.18 ka VDA), nongtrei Skilled T.624 (kynthup ka VDA T.19) bad ki nongtrei highly skilled T.665 (kynthup ka VDA ba T.20).
Ia kane ka dor thymmai yn shong bishar manla ka hynriew bnai lyngba ka jingiapynbeit hangne hangtai kat kum ka Consumer Price Index (CPI), ban pynthikna ia ka jingpynkiew ia ka VDA kat kum ka jingkiew dor ki mar ki mata.
Ka jingpynbna ka ong ruh ba ka jingpyntrei palat ia ka por ruh dei ban siew da ka dor kaba long arshah ia ka dor bainong bala buh, bad kan khein iap noh ia ka jingpynbna bala pynmih ha ka 14 tarik Kyllalyngkot 2025.
 na ka bynta ki nongtrei ha ki kam bapher bapher hapoh ka Jylla, ka ban sdang treikam naduh ka 1 tarik u Iaiong, 2025.){kind=link}