Tura, Naitung 15 : Ki Pulit kila ioh tam ia ka metiap jong ka khynnah 15 snem ka rta, ba jah rngai mynta la san sngi, na ka jaka khlaw jong ka thain Mahadeo, South Garo Hills District.
Ia kane ka metiap la ioh tam ha ka 14 tarik Naitung bad ki Pulit ki suba jur ba kane ka khynnah ka shah pyniap.
Kane ka khynnah ka kyrteng ka Kadimeanchi K Sangma, kaba la jah rngai naduh ka 11 tarik Naitung hapdeng ka por 4 baje haduh 5 baje janmiet, hadien ba ka khlem poi shuh sha iing. Wat hapdeng ka jingiawad ki bahaiing hasem bad ki trai shnong, ym shym la lapdien satia ia ka.
Hadien, ha ka 12 tarik, ki bahaiing kila leit pyntip noh sha ki Pulit ia kane ka jingjah rngai, kaba lam sha ka jingiawad ha kylleng ki jaka.
Ia ka met la lap najan jong kawei ka wahduid kaba don ha khlaw Mahadeo.
Ki Pulit ki dang ap mynta ia ka kaiphod post mortem ban pynthikna ia ki daw jong ka jingiap. Ka jingtohkit ia kane ka jingjia kala iaid shakhmat.
