SHILLONG, Naitung 6: U Myntri ka tnad bording jong ka jylla AT Mondal u la buh ka jingkyrpad ban pyllait noh mardor ia ka Power System Development Fund (PSDF) ha ka jingialang ba 16th jong ka National Power Committee (NPC) kaba la long ha ha Shillong ha ka sngi Thohdieng.
U AT Mondal uba bat ruh kum u Chairperson jong ka North Eastern Regional Power Committee (NERPC), u la pynpaw ba wat hapdeng ka jngmynjur ban pynpoi ia ki lain bording sha ka thain shatei lam mih ngi, hynrei ka PSDF ka dang pynsah teng ia ka pisa bad kane kadei ka daw ba slem ka jingkyntiew kyrdan ha baroh kawei ka thain.
“Ka ‘Transmission System Requirement jong ki jylla NER & Sikkim haduh u snem 2031–32’ la dep ban mynjur da ka Central Electricity Authority (CEA), hynrei ka pisa pat ka dang sahteng,” ong u Mondal bad bynrap ruh da kaba kyntu ia ki nongialam ka NPC bad CEA ban pynsted ia ka kam.
Haba batai bniah ia ka jingkiew jong ka jylla Meghalaya ha kine ki khyndiat Snem, u myntri u la ong ba ka jylla kala bynrap biang sa 434 kilometres ka circuit jong u 220kV bad 132kV transmission line bad la kyntiew ia ka bor pynmih bording da 1,130 MVA ha kine ki san snem kiba la leit. Ka project ka ban sa wan la khmih lynti bad bynrap ne pyndap sha ka 1,090 circuit kilometres bad 760 MVA, bad ka jingdonkam pisa ka long haduh 2,270 klur.
Shuh shuh u Mondal u la khot ruh ban buh ia ka substation ba 132/33 kV ha Baghmara, kaba dei ka thain khappud ban kyntiew ia ka jingsam bording ha ki jaka ka thain nongkyndong bad kiba jngai jong ka thain.
Ha ka jingialang jong ka NPC la wan ban iashim bynta haduh 33 ngut ki nongmihkhmat bad ki heh ophisar, kynthup ia u Chairperson ka CEA u Ghanshyam Prasad bad la pdiang ruh ia ki katto katne ki mat ba kongsan.
 ha ka jingialang ba 16th jong ka National Power Committee (NPC) kaba la long ha ha Shillong ha ka sngi Thohdieng.){kind=link}