Shillong, Naitung 02 : Ka Meghalaya and Greater Shillong Progressive Hawkers and Street Vendors Association (MGSPHSVA) kala byrngem ban mudui sha ka ain pyrshah ia u Myntri Sorkar Bah Paul Lyngdoh halor ka jingkynnoh ba ki Nongialam kila pynthut da ka jingthmu ha lyndet ia ka jingpynkynriah ia ki nongshong dukan madan na thain Khyndailad.
Ha ka kyrwoh bala pyllait ha ka sngi Balang, u General Secretary Shane Thabah ula ong ba ka seng ka pyrshah jur ia ka jingkren u Bah Paul, kaba kynnoh ba kila pynthut ia ka jingpynkynriah ia ki nongshong dukan madan.
“Ngi kyntu ia u Myntri ban pynshisha ia ki jingkynnoh pyrshah ia ka seng, lem kumta kan pynbor ia ngin ban shim da ka lynti ka ain pyrshah ia u” ula maham.
Haba kynnoh ba u Bah Paul u khlem lah leh eiei ha ka por ba u bat kum u Myntri ka Tnad Urban Affairs ka Jylla, u Shane ula ong “Kam long kaba phylla haba peit ia ki jingtreikam une u riew sainpyrthei ba un pynmih ia kum kine ki jingkren, hynrei ka long ka jinglehrain khamtam ba u dei shisien ka por u Myntri ka Tnad Urban Affairs u bym ju pyrkhat lane leh eiei halor kane ka kam”.
Ka Seng kala kam ba ka dei ma ka kaba lamkhmat ha ka pynthikna ia ka jingpyntreikam ka ain ka Sorkar pdeng halor ka kam shong dukan madan ha Meghalaya hadien 7 snem ka jingiakhun mukotduma.
 kala byrngem ban mudui sha ka ain pyrshah ia u Myntri Sorkar Bah Paul Lyngdoh halor ka jingkynnoh ba ki Nongialam kila pynthut da ka jingthmu ha lyndet ia ka jingpynkynriah ia ki nongshong dukan madan na thain Khyndailad.){kind=link}