Shillong, Naitung 02: Ka Urban Shopping Complex Association (USCA) ka la pynpaw ia ka jingbynniaw halor ka rai ban pynkynriah noh ia ki nongdie madan naki thain Khyndailad sha ka jaka ieng kali kaba ha khlieh duh jong ka MUDA Shopping Complex.
Ha ka kywroh ka USCA ka pynpaw ba ka jingai jaka ïa ki nongdie marbam ha ka jaka ieng kali ha ka mala ba shalor jong ka Complex kan ktah jur ïa ka jingwan ki nongthied nongpet shapoh katei ka Complex namar ka jingbym don jaka ieng kali.
Ka Association ka kdew ba ka jaka ieng kali kaba don ha mala ba shalor mynta ka dei kaba la pyndonkam da ki ophisar jong ka MUDA, ki nongtrei, ki nongthied jingthied, ki nongdie dukan, bad ki paidbah, bad ka jingdon jong ki nongdie jingdie ha madan kan nang pynkhapngiah shuh shuh ia katei ka jaka.
Kala pynpaw ba ha kajuh ka por, kane kan ktah ia ka kamai kajih jong ki ba don dukan ha kane ka complex.
Ka USCA ka la kyntu ia ki bor pyniaid jong ka MUDA ban pyrkhat biang ia ka rai daka ba ai jaka iaki Nongdie Madan ha ka mala ba shapoh, kumba la thmu nyngkong.
Ka Association ka ngeit ba kane kan ai katto katne ka jingpyntngen ia ki ba don dukan haka Complex bad kan ailad ia ki ban im kamai nala ki dukan.
Ka USCA ka la pynpaw ruh ïa ka jingkyrshan ïa ki bor distrik bad ki bor pulit, kynthup ïa ka Shillong Municipal Board, halor ka jingpyrshang jong ki ban pynduna ïa ka jingkhapngiah ha ki jaka khaii da kaba leh tyngeh iaka jingiai mih ki nongdie madan kan ka por haki surok.
Ka Association ka ngeit ba kane ka jingleh ka SMB ka long kaba donkam ban pynthikna ba ki nongleit nongwan kin lah ban iaid laitluid ha ki jaka khaii kiba la khapngiah lypa.
 ka la pynpaw ia ka jingbynniaw halor ka rai ban pynkynriah noh ia ki nongdie madan naki thain Khyndailad sha ka jaka ieng kali kaba ha khlieh duh jong ka MUDA Shopping Complex.){kind=link}