Mairang, Jylliew 26: Ka Mairang District Boxing Association (MDBA) ha ryngkat ka jingïatreilang bad ka Meghalaya Boxing Association, kan pynkhreh ïa ka District Level Boxing Selection Trial ban jied ïa ki nong ïashimbynta ki ban mihkhmat na ka Jylla sha ka 39th National Game ka ban long ha ka Jylla jong ha u snem 2027.
Kane ka selection trial kan long ha ka 30 tarik Jylliew 2025 ha ka por 9 baje mynstep ha U Tirot Sing Memorial Club jong ka Shnong Pyndengumiong. Ka Mairang District Boxing Association ka khot ka wer ïa baroh ki rang bad ki thei ïa kura kiba la don sap ha kane ka sport, ba kin ïa wan sha kane ka jingjied ïa ki nongïashim bynta sha ka National Game.
Ki nongïashim bynta kin long katkum ki kyrdan bapher (weight category) Shynrang, 47-50 kg, 50-55 kg 55-60 kg, 60-65 kg, 65-70 kg,75-80 kg, 80-85 kg 85-90 kg 95 kg. Kynthei, 45-48 kg, 48-51 kg, 51-54 kg, 54-57 kg, 57-60 kg, 60-65 kg, 65-70 kg, 70-75 kg, 75-80 kg bad 80 kg. Ka karta ka dei ban long naduh 17 snem haduh 40 snem ka karta.
Ki nongïashim bynta kin wanrah ïa ki kot ki sla kum ka original Birth certificate bad U Adhaar Card bad ki tiar shimet (Boxing Kit) kiba ju pyndonkam ha ka jingïalehkai boxing.
Ïa ki jingtip ba khambniah lah ban phone ha u 9378184285. Kane ka long katkum na ka kyrwoh na u Secretary bad ha kajuh ka por ba dei ruh u Coach ka MDBA Samla Willfred Kharmawlong.
 ha ryngkat ka jingïatreilang bad ka Meghalaya Boxing Association, kan pynkhreh ïa ka District Level Boxing Selection Trial ban jied ïa ki nong ïashimbynta ki ban mihkhmat na ka Jylla sha ka 39th National Game ka ban long ha ka Jylla jong ha u snem 2027.){kind=link}