Shillong, Jylliew 25 : Ka Khasi Hills Autonomous District Council (KHADC) kala ioh pdiang ia ka song pisa ba T.39,05,33,000 tyngka kum ka bhah khajna na ka Sorkar Jylla jong u snem 2024-25.
Ia kane la pyntip da u Executive Member ba khmih ia ka Finance Seiborlang Warbah ha ka Dorbar Lyiur ha ka sngi Balang.
Kane ka jingiathuh kala pynlong ia u MDC ka Mawshynrut Bah Srally Rashir ban ai jingmut ba ka KHADC ka dei ban shimia ki sienjam ha kaban khang khyrdep lut ia baroh ki khyrdop lum khajna beain ha ka thain.
“Haba kat kane ka pisa la ioh na ka Sorkar Jylla, ka dei eh ia ka KHADC ban khang khyrdep lut ia baroh ki khyrdop kiba beain” ong u Bah Rashir.
Haba jubab, u Exective Member ula kular ba ka Executive Committee kan sa shim ia ki sienjam ba donkam ban pynthikna ba ym dei ban don shuh ki khyrdop lum khajna beain hapoh u pud u sam ka Council.
 kala ioh pdiang ia ka song pisa ba T.39,05,33,000 tyngka kum ka bhah khajna na ka Sorkar Jylla jong u snem 2024-25.){kind=link}