spot_img

Kem ki Pulit ia 3 ngut ki nongkhaii droks kynthup u Nongkhaii ba hehduh ha Shillong

Date:

Share post:

Shillong, Jylliew 25 : Ki Pulit ka Aanti Narcotics Task Force (ANTF) kila ioh ban kem ia 3 ngut ki nongkhaii droks ba kynthup ia u Nongkhaii ba hehduh (main supplier) ha sor Shillong bad ioh kurup bun bah u drok heroin na kine ki runar.

Kine ki laingut ki kyrteng u Rohit Mattu, Ansh Sher Gill ba ju khot sin u Suresh Gill bad u Raman Raina, iathuh u Superiintendent of Police ka ANTF Japgal Singh Dhanoa ha ka sngi Balang.

U pyntip ba ka ANTF kala ioh khubor na u Incharge ka Contonment Beat House ba ioh bat ia u Rohot Mattu na ki thain Contonment bad suba jur ba ioh kurup lang ia u droks na ka met jong u. U iathuh ba mar mar u SI Pradeep Das bad ki Nongtrei kila leit sha Contonment ban leh ia ka kam kaba donkam.

U iathuh ba ynda poi ha Contonment marjan ka NEHA Transport ba pyrshah ka Contonment Beat House, kila iohi ia u Rohit Mattu uba bat ia kawei ka synduk rong saw bad ha ka jingtalasi, la ioh ban kurup ia kawei ka synduk sabon kaba thep ia u droks ba khia 10.26 gram.

Ha ka jingtohkit, la shem ba u Rahit Mattu u ju trei na ka bynta u Ansh Sher Gill ha ka Hardware Store kaba don ha Contonment ba marjan ka Jowai Stand bad tip ruh ba u Gill u dei u nongsupply ba hehduh ha ka thain Contonment bad ki jaka ba marjan. La lap ruh ba u dei u briew uba la donkti teng ha kiba bun ki kam beain.

U Jagpal u iathuh ba ka ATNF kala leit kem ia u Gill bad ha ka jingtohkit, une u briew ula phla ba ula pyniaid ia ka hardware store ha Contonment tang ban buhrieh ia ki kam beain jong u bad ula pyndonkam ia u Rahit Mattu bad u Raman Rainia bad u Roht Honda ban pyniaid iew ia u heroin ha Shillong.

Hadien kane, ka ANTF kala leit ban kem sa ia u Raman Raina bad ha ka jingtohkit la phla ba u Gill ula wai ia kawei ka Iing ha Raid Laban ha ka kyrteng u Raman Raina bad Rohit Honda bad ha kane ka iing la buhrieh ia u heroin.

Ka ANTF kala leit ban khynra ia kane ka Iing ha Raid Laban bad kala ioh ban kurup sa 15 tylli ki synduk sabon kiba la thep ia u heroin ba khia haduh 152.26 gram.

U Jagpal u pyntip ba u heroin bala ioh kurup lang baroh u long 162.52 gram. U iathuh ba mynta ka ANTF ka dang thwet ban iohkem sa ia u Rohit Honda uba la phetrieh.

Share post:

spot_img
spot_img

Popular

More like this
Related

Phah tuklar u MDC ha ka KHADC ba kynnoh pyntreikam ia ki skhim 15th FC ha ka SMB

Shillong, Nailar 29 : U MDC ka Laban-Mawprem constitueny...

Maham u SP ia ki kali kit khyndew/shyiap ba iaid ha surok

Shillong, Nailar 29: U Superintendent of Police (Traffic) K...

Khie im biang ki khana puriskam u Khasi da ka phlim Apot-ka khana u Tiewlarun

Shillong, Nailar 29 : Ki khana puriskam tynrai u...

CM inaugurates A·chik Welfare Society’s Civil Service Coaching & Training Center in Tura

Tura, Aug 29: Chief Minister Conrad K. Sangma on...