Shillong, Jylliew 20: Kum ka jingpynshisha ïa ka jingthrang jong ka Jylla ban ai ka jingsumar kaba paka iaki paidbah, ka Ganesh Das Government Maternal & Child Health Hospital (MCH) Shillong ka la ïoh ïa ka khusnam ‘Bronze Quality Certification’ na ka Quality Council of India (QCI).
Kane ka jingioh khusnam ka Ganesh Das ka long kum ka jingai jingithuh ïa ka jingbud ryntih jong ka hospital ïa ki kyndon jong ka Ayushman Bharat Pradhan Mantri Jan Arogya Yojana (AB PM-JAY) Bronze Quality Standards.
Ka jingioh ia ka khusnam ka pynskhem bad ka pyni ruh ia ka mawjam kaba kongsan na ka bynta Hospital bad ka jylla Meghalaya, kaba kdew ia ka jingkiew jong ka Jylla ha kaba kyntiew ia ka jingai jingsumar bad ki jingshakri kaba biang, shngain bad kaba pynleit jingmut ia ki nongpang. Ka jingai jingithuh ka pynpaw ruh jingtrei shitom kaba khlem shongthait da ki nongtrei ka koit ka khiah ha ka hospital.
Ki ophisar jongka tnad ka koit ka khiah kila ai ka jingïaroh ïa ka kynhun jongka Ganesh Das Hospital ia ka jingskhem jingmut ka jongki ban pynneh pynsah ïa ka kyrdan ha ka koit ka khiah jong ki longkmie kiba punkhun bad ia ka koit ka khiah jong ki khunlung, da kaba pynskhem ruh ia ka thong kaba hakhmat jong ka jylla bad ka jingpynleit jingmut ban ai iaka jingshakri ia baroh bad kaba ioh ia ka jingshaniah na ki nongshong shnong.
 Shillong ka la ïoh ïa ka khusnam ‘Bronze Quality Certification’ na ka Quality Council of India (QCI).){kind=link}