Guwahati, Jylliew 18: Ka Ministry of Home Affairs (MHA) kala ai ka jingmaham ia ka jylla Assam bad Meghalaya, ba kan don ka jingther u lapbah ryngkat bad ka eriong bad ka jingpom u pyrthat ha kine ki ar sngi kiban wan ha ka 18 bad 19 tarik u Jylliew.
Ka MHA kala ai ka jingmaham da ka ‘Orange Alert’ ha ka 20 tarik u Jylliew.
Ka Assam State Disaster Management Authority (ASDMA) kala maham ia ki katto katne ki district ba ki lah ban mad ia ka jingshlei um, ka jingshah pynthud ka leit ka wan, ka jingma na ka jingtwa khyndew, khamtam eh ha ki jaka lum. Ki bor khmih kila don ha ka jingpeitngor bad ki Emergency Response Team kila long kiba la dep ban pynkhreh ha kylleng jongka jylla.
Da ka jingsakhi ia ka jingshlei um bad ka jingtwa khyndew na ka jingslap jur kiba la dep jia, ka ASDMA kala kyntu ia ki nongshong shnong, khamtam ia kito kiba don ha ki jaka kiba ju jia khah khah ka jingtwa khyndew ba kin long kiba phikir bad kiba peitngor bad ban shim ia ki lad jingiada. La bthah ia ki paidbah ba kin pynbiang lypa ia ka bam ka dih bad ia ki dawai dashin bad ia ki mombati, ban kiar na ka leit jingleit ka bym donkam bad ban leit noh sha ki jaka kiba shngain ne sha ki Relief Camp lada jia ba ki sah ha ki jaka kiba don jingma.
La pynshlur ia ki nongshong shnong ba kin bud ryntih ia ki jingbthah bad ban long kiba ioh ia ki jingtip kiba tista halor ka jinglong jingman jong ka suinbneng. Na ka bynta ki jingjia kiba kyrkieh, lah ban phone ia ka ASDMA bad ki ophis treikam jongka DDMA ha u Helpline Numbers 0361-1070, 1079, 112 bad 1077.
 kala ai ka jingmaham ia ka jylla Assam bad Meghalaya, ba kan don ka jingther u lapbah ryngkat bad ka eriong bad ka jingpom u pyrthat ha kine ki ar sngi kiban wan ha ka 18 bad 19 tarik u Jylliew){kind=link}