Shillong, Jylliew 16: Ka Director General of Police (DGP) ka jylla Meghalaya ka Kong Idashisha Nongrang hynne ka sngi Nyngkong, kala ong ba ka jingtohkit halor ka jingshah pyniap u nongjngohkai na Indore u Raja Raghuvanshi kala iaid bha shakhmat, ha kaba la lapksai ia ki sabut bad ia kane ka jingjia yn sa Chargesheet ha ka por kaba la buh.
Haba iakren bad ki nongthoh khubor, ka DGP kala ong ba baroh 5 ngut kiba suba donkti ki don hapdeng jong ka jingshah tohkit bad ki pulit kin ym leh sting hynrei kin trei shitom ban pynlong ia kane ka Case kaba paka bha.
“Ngi lah ioh 8 sngi ban tohkit bad ka jingtohkit kala iaid shakhmat. Kila don bun ki jinglap kiba la hap ban tehsong bha bad ngin trei shitom ban pynthikna ba ka jingtohkit kan long kaba paka bha bad ba ngin lah ban pynlong ia kane ka Case kaba skhem, ngi lah don ia ki sakhi bad ia ki sabut, ngi ngeit skhem ba ngin pyndep ia ka jingtohkit bad ban pynthikna ba kane ka Case kadei ban Chargesheet ha ka por kaba la buh” kala ong.
Haba kylli la kala don kano kano ka jingbuh por ban pyndep ia ka jingleit ialam ia kitei kiba suba donkti sha ka jaka ba la don ka jingpyniap, ka Kong Nongrang kala ong, “Ngam lah ban ong da kaba thikna, hynrei la kumno kumno ruh lah ban leh lashai ka sngi”.
Ka jingleit ialam ia kiba suba donkti sha ka jaka pyniap briew, la khmih lynti ba kan long ha ka Parking Lot hajan ka Wei Sawdong Falls ha Sohra ha kaba la lap ia ka metiap jongu Raja, la shim ba kane ka bynta ka long kaba kongsan bha ban lum lang ia baroh ki bynta jong ka jinglap kaba la lam sha ka jingpyniap ha ka por mynsngi mynshai.
 ka jylla Meghalaya ka Kong Idashisha Nongrang hynne ka sngi Nyngkong, kala ong ba ka jingtohkit halor ka jingshah pyniap u nongjngohkai na Indore u Raja Raghuvanshi kala iaid bha shakhmat, ha kaba la lapksai ia ki sabut bad ia kane ka jingjia yn sa Chargesheet ha ka por kaba la buh.){kind=link}