Ka Shlem kala don mynta ha Whatsapp. Khnion hangne ban leit sha ka Channel jong ngi bad phin ioh ia ki khubor thymmai.
Shillong, Jylliew 10 : U Myntri Rangbah ka Jylla Conrad K Sangma ula kular ban phah pynsted ia ka jingtian bishar ia ka mukotduma pyrshah ia ka Sonam Raghuvanshi, kaba phah pyniap iala u kurim u Raja Raghvanshi ha Sohra lem bad ia ki 4 ngut ki runar ba leh ia kane ka kam bymman.
“Hooid, ngi kwah ban pyndep kham kloi kat kaba lah ia ka jingtian bishar bad kano kano ka sienjam kaba donkam ban shim na ka liang jong ngi kum ka Sorkar, ngin sa leh ia kata bad ngin pyrshang ban pyniaid wut wut iaka mukotduma” ong u Conrad.
Haba pynkut ia ka jingwad bala neh palat shitaiew halor ka jingjah rngai ka Sonam Raghuvanshi, kane ka briew dalade kala leit ban pyndem hakhmat ki Pulit ha Ghazipur District, Uttar Pradesh katba 4 ngut pat la ioh kem na Madhya Pradesh bad Uttar Pradesh namar ka jingdonkti ban pyniap ia u Raja.
Ia ka Sonam kaba la pyndem ialade ha Nandganj Police Station ha Ghazipur District, la shimti noh da ki Pulit ka Jylla Meghalaya bad yn sa wanrah ia ka mynta ka sngi sha Shillong.
Haba niew ia ka jingpynmih khubor bakla jong ki national media kum ka kam kaba sngewsih jur, u Myntri Rangbah ula ong “Ka long kaba sngewsih shibun ba katto katne ki lad pathai khubor kila pynkylla khongpong ia kaei kaba jia bad pyrshang ban kynnoh ia ki nongshongshnong ka Meghalaya bad ia ka Jylla. Hynrei mynta ki jingshisha kila mih lut. Ngi tip kumno kane ka jingjia kala jia”.
“Nga la ju pynskhem ba ki nongshongshnong ka Meghalaya bad ki nongshongshnong ka thain Shatei Lam Mihngi ki dei ki briew kiba long paralok ia baroh, kiba ju khein ia ki nongwankai bad ki nongshangkai kumki bahaiing hasem. Ki ju burom bad kitkhia bha ia ki kumta ka long kaba sngewsih ba katto katne ki lad pathai khubor ki pyrshang ban pyni ia kane ha ka lynti ka bym dei. Mynta ki jingshisha baroh kila mih, kiei kiei baroh kila shai kdar lut” ula bynrap.
Haba ai khublei ia ki Pulit ka Meghalaya ba kila lah ban sei ia ki jingshisha hapoh ka por ba lyngkot eh, u Myntri Rangbah ula ong “Ngi la ioh ia ki khubor man ka khyllipmat. Kila iohksai dang kloi bha ia kiei kiei baroh hynrei kila kiar ban iathuh namar ki sngew ba ka lah ban ktah ia ka jingtohkit. Kumta, ngi lah iaid jar jar ban tohkit bad nga sngewkmen ba ngi lah lah ban poi sha kaba kut”.
Shillong, Jylliew 10 : U Myntri Rangbah ka Jylla Conrad K Sangma ula kular ban phah pynsted ia ka jingtian bishar ia ka mukotduma pyrshah ia ka Sonam Raghuvanshi, kaba phah pyniap iala u kurim u Raja Raghvanshi ha Sohra lem bad ia ki 4 ngut ki runar ba leh ia kane ka kam bymman.
“Hooid, ngi kwah ban pyndep kham kloi kat kaba lah ia ka jingtian bishar bad kano kano ka sienjam kaba donkam ban shim na ka liang jong ngi kum ka Sorkar, ngin sa leh ia kata bad ngin pyrshang ban pyniaid wut wut iaka mukotduma” ong u Conrad.
Haba pynkut ia ka jingwad bala neh palat shitaiew halor ka jingjah rngai ka Sonam Raghuvanshi, kane ka briew dalade kala leit ban pyndem hakhmat ki Pulit ha Ghazipur District, Uttar Pradesh katba 4 ngut pat la ioh kem na Madhya Pradesh bad Uttar Pradesh namar ka jingdonkti ban pyniap ia u Raja.
Ia ka Sonam kaba la pyndem ialade ha Nandganj Police Station ha Ghazipur District, la shimti noh da ki Pulit ka Jylla Meghalaya bad yn sa wanrah ia ka mynta ka sngi sha Shillong.
Haba niew ia ka jingpynmih khubor bakla jong ki national media kum ka kam kaba sngewsih jur, u Myntri Rangbah ula ong “Ka long kaba sngewsih shibun ba katto katne ki lad pathai khubor kila pynkylla khongpong ia kaei kaba jia bad pyrshang ban kynnoh ia ki nongshongshnong ka Meghalaya bad ia ka Jylla. Hynrei mynta ki jingshisha kila mih lut. Ngi tip kumno kane ka jingjia kala jia”.
“Nga la ju pynskhem ba ki nongshongshnong ka Meghalaya bad ki nongshongshnong ka thain Shatei Lam Mihngi ki dei ki briew kiba long paralok ia baroh, kiba ju khein ia ki nongwankai bad ki nongshangkai kumki bahaiing hasem. Ki ju burom bad kitkhia bha ia ki kumta ka long kaba sngewsih ba katto katne ki lad pathai khubor ki pyrshang ban pyni ia kane ha ka lynti ka bym dei. Mynta ki jingshisha baroh kila mih, kiei kiei baroh kila shai kdar lut” ula bynrap.
Haba ai khublei ia ki Pulit ka Meghalaya ba kila lah ban sei ia ki jingshisha hapoh ka por ba lyngkot eh, u Myntri Rangbah ula ong “Ngi la ioh ia ki khubor man ka khyllipmat. Kila iohksai dang kloi bha ia kiei kiei baroh hynrei kila kiar ban iathuh namar ki sngew ba ka lah ban ktah ia ka jingtohkit. Kumta, ngi lah iaid jar jar ban tohkit bad nga sngewkmen ba ngi lah lah ban poi sha kaba kut”.
