Shillong, Jymmang 21 : Ka kynhun ki runar, hynne ka step phyrngap sngi Balang, kila kyndang jubor ia kawei ka kor ATM jong ka State Bank of India (SBI) ha Mawkriah, East Khasi Hills bad ioh rong tuh ia ka pisa ba kot haduh T.28.13 lak.
Kat kum ka jingiathuh u Superintendent of Police ka East Khasi Hills Bah Vivek Syiem, kine ki runar kiba don 4 ngut, kila ot ia ka ATM Kiosk ban sei ia ka pisa na ka kor. Kane ka jingjia kala jia ha ka por 3 baje mynstep.
Une u Heh Pulit u pyntip ba na ka rukom kyndang ia ka ATM, la suba ba kine ki runar ki dei ki briew ba nabar ka Jylla.
U ong ka rukom leh ki nongtuh ka iasyriem bha bad ki jingshah tuh ki ATM kiba la jia ha katto katne ki jaka ha Assam, kaba pyni ba ka lah ban don ka jingiadei hapdeng kine ki jingjia.
Ha ka jingtohkit, ki Pulit kila shem ba ki runar kila pyndonkam da ka gas cutter ban plie ia ka kor ATM. Na ki video CCTV la iohi ba saw ngut ki runar kila leh ia kane ka kam.
Ki Pulit kila register ia kane ka case ha Mawngap Police Station bad ka jingtohkit kala iaid shakhmat ban lah pynithuh bad kem ia kine ki runar.
 ha Mawkriah, East Khasi Hills bad ioh rong tuh ia ka pisa ba kot haduh T.28.13 lak.){kind=link}