Shillong, Jymmang 12 : Ka Meghalaya State Pollution Control Board (MSPCB) kala hukum ban khang dam ia ka karkhana M/s Shree Shakambari Ferro Alloys Pvt Ltd, Rwiang, Seinduly ha West Khasi Hills District namar ka jingpynkhein ia ki kyndon ain.
Ia kane ka rai la shim halor ki jingshem na ka jingjurip bala pynlong da ki Heh ka MSPCB ha u bnai Kyllalyngkot mynta u snem.
Ha ka shithi ba ai dang shen, u Chairman ka MSPCB R Nainamalai ula ong “Mynta, namar kata, haba pyntrei ia ka bor bala pynkup da ka kyndon33 (A) jong ka Water (Prevention and Control of Pollution) Act, 1974 bad kyndon 31 (A) jong ka Air (Prevention & Control of Pollution) Act, 1981, ka M]s Shree Shakambari Ferro Alloys Pvt Ltd la bthah ba kan pyntreikam ia baroh ki kyndon bala buh ha ka jingpynthymmai ka Concent to Operate (CTO) bad ban aiti ia ka kaiphod bala pyntreikam sha ka Board bad ruh ban khang dam ia ka Unit (karkhana) tad haduh ban da pynmih da kawei pat ka hukum”.
“Lada ym lah ban pyntreikam ia kane ka hukum, ka Board kan sa nang shim ia ki lynti ka ain pyrshah ia ka Unit kumba la pynkupbor da ki kynhun jong ka Air (Prevention & Control of Pollution) Act 1981 bad ka Water (Prevention and Control of Pollution) Act 1974,” ula maham.
Ka shithi ka ong ba ki Ophisar jong ka Board kila pynlong ia ka jingjurip ha ka 30 bad 31 tarik u Kyllalyngkot.
La shem da ki Ophisar ba shuwa ban rung sha karkhana, la shem na surok ba ka don ka jingpynmih tdem kaba shyrkhei na ka karkhana. Shibynta jong ka tdem kaba mih na ka karkhana ka dei kaba mih n aka cooling tower kaba dei ka jaka pynmih jynhaw hynrei ka tdem kala mih na kane ka atoskhana jong ka plant ka pyni ba ka don ka jingpynmih tdem ba khlem jingkhein na kane ka karkhana.
Haba rung hapoh ka karkhana ha ka por 11:32 mynmiet jong ka 30 tarik Kyllalyngkot, la shem ba la pynlip ia ka kor Pollution Control Device (PCD) kumta kala mih ka tdem ba khlem jngkhein na kane ka karkhana. Ym shym la iohsngew ruh ia ka jingpah jong ka kor na ka PCD kaba pynpaw ba la pynlip ia ka.
La shem ruh ba ka don ka jingpynmih tdem na ka Captive Power Plant (CPP), hynrei haba peit ia ka Online Continuous Emission Monitoring System (OCEMS) la shem ba ym shym la pyndait satia ia ka OCEMS sha ka stack lane ka OCEMS kam shym treikam ne kala sniew. Haba pynmeh pat ia ka PCD la shem ba ka jingpynmih tdem kala duna bha.
“Kane ka jingjurip shiteng miet ka pyni ba ka Unit kala pyntreikam pathar ia ka karkhana ha ka por mynmiet khlem da pynmeh ia ki PCD bad ka jingpynmih tdem na ka unit ka long kaba shyrkhei bha bad kaba pynpaw ruh ia ka jingduna ki nongtrei ban khmih ia ki kor pynduna pynmih tdem ha ka por mynmiet” ong u Nainamalai.
U pyntip ba ha ka step 31 tarik Kyllalyngkot, 2025, la pynlong biang ia ka jingjurip ha ka por 11:41 baje mynstep bad haba poi ha karkhana, la jurip nyngkong eh ia ka PCD bad la shem ba ka karkhana ka dang pynlip beit.
La hem ruh ia katto katne u dewiong bad u rnga bala shu buh shabar jong ka sem. Ka madan ka dei ka bym pat siang dewbilat pura kumta kala pynmih ia ka pui pui jaboh haba beh ka lyer.
La shem ruh ba ki nala ki dei ki bym pat shna da ka dewbilat. Nalor kane, ka karkhana kam shym la lah ruh ban ai ia ka jingkhein na ki OCEMS naduh ka 28 tarik Lber 2024 tad haduh mynta, ula bynrap.
 kala hukum ban khang dam ia ka karkhana M/s Shree Shakambari Ferro Alloys Pvt Ltd, Rwiang, Seinduly ha West Khasi Hills District namar ka jingpynkhein ia ki kyndon ain.){kind=link}