Shillong Jymmang 10: Ki khynnah pule ka jylla kiba dei ban ialeh ia ka eksamin CUET mynta u snem, ha ka sngi Saitjain, kila ong ba shen kin leit ban iakynduh ia u Myntri Rangbah ka jylla ban kyrpad ban phah pynlong ia ka Eksam CUET ha ka jylla khamtam haba bun ki khynnah pule kila mad ia ka jingeh ban leit ialeh ia katei ka eksamin shabar jongka jylla Meghalaya.
Haba iakren bad ki nongthoh khubor u samla Ryan Jeffrey Lyngdoh, ula ong ba kum ki samla kiba dei ban ialeh ia ka eksamin CUET kim don ia kano kano ka jingpyrshah ban ialeh ia katei ka eksam hynrei kaei kaba ki kwah ka long ba ka sokar jylla kan shimkhia ba ia kane ka eksamin dei ban pynlong ha ka jylla Meghalaya.
“Kiba bun ki khynnah ki hap ban leit ialeh ia ka eksamin shabar ka jylla bad kane kala buh ha ka jingeh namar ba kam ktah ia ki tang ha ka jinglut jingsep hynrei ka ktah bha ruh ia ka jingmut jingpyrkhat ka jongki ban ioh pynkhreh ia ka eksamin” la ong u Ryan.
Ula ong ruh, ba ka jingeh kaba khraw kadei ia kito ki khynnah kiba wan na ki longing kiba duk, kaba ka longiing longsem ka jongki kan ym lah ban kyrshan ia ki ha ka jinglut jingsep ba kin leit ialeh ia ka eksam shabar ka jylla namar kin hap ban pynlut ia ka bai leit, ka bai bam bad kumjuh ia ka bai sah kumta kum kine ki khynnah kin ym ioh ban leit ialeh ia katei ka eksamin.
“Ka jingjynjar ki khynnah kadei ruh ba ia kawei ka Paper kin ialeh ha kawei jylla bad ia kawei pat ka Paper kin hap ban leit ialeh sha kawei pat ka jylla bad ym shim la batai hi ruh ia ki ia ka jaka kaba kidei ban leit thoh ia ka eksamin hynrei la shu kdew beit tang ia ka kyrteng jong ka jylla ba kidei ban ialeh eksamin bad kane kala buh ha ka jingeh kaba khraw ia ki khamtam haba la ai por ia ki tang 5 sngi”
Nalor kane kila ong, ba ka National Testing Agency (NTA) kala ai ia ki samla ia ka lad ba kin jied ia ki jaka ban pynlong ia ka eksamin bad wat haba kila jied ia ki jaka ban ialeh ia ka eksamin hapoh ka jylla hynrei la pynngat pat ia ki ban ialeh ia ka eksam shabar ka jylla.
Shuh shuh ula iathuh ruh ba ka CUET kadei ka Computer Based Examiniation hynrei namar ka jingbym biang ki kor ki bor ban pynbiang ia ki khynnah pule ban ialeh ia ka eksam, kumta ka NTA bad ka Sorkar Pdeng kila dei ban shimkhia ban pynthikna ia ki jaka thoh eksam ia ki khynnah pule.
Ha kaba iadei bad ka jingpynbna u Myntri ka Pule Puthi ba ki khynnah kiba pule ha ki College kiba pyniasoh bad ka State University kim donkam ban ialeh ia ka eksam CUET hynrei tang kito ki Colleg kiba pyniasoh ia ka Skulbah NEHU, U samla Ryan ula ong, “Dang shen u Myntri ka Pule Puthi u Rakkam Sangma ula ong ba ka jingpynlong ia ka eksam CUET kan ym dei shuh ban mih jingeh mynta ka kynti namar ba kila don bun ki jaka thoh eksamin ha ka jylla bad ka sorkar kala long kaba kloi ban iarap ia ki khynnah kiba mad ia ka jingeh hynrei ngim shym la iohi ia kino kino ki jingshimkhia na ka sorkar jylla haduh mynta, lait noh tang ia kaei kaba la mih ha ka kot khubor hynne ka sngi, ha kaba ka sorkar kala kyntu iaka NTA ban pynkylla noh ia ki jaka thoh eksamin na ka bynta ki samla pule ka jylla Meghaaya”.
Ula ong ba ka NTA kadei kaba pynlong ia ka eksam CUET bad lada kam lah ban pynlong ia ka eksam lyngba ka Compuer Based Examination ka lah dei ban pynlong da ka eksam kaba shu thoh da u khulom ha ka kot bad lada ka lah ban pynlong ia ka eksam NEET da ka ba thoh da u khulom ha ka kot kumta ia ka CUET ruh kalah dei ban leh lang kumjuh haba kim biang ia ki jingdonkam.
99Shillong Jymmang 10: Ki khynnah pule ka jylla kiba dei ban ialeh ia ka eksamin CUET mynta u snem, ha ka sngi Saitjain, kila ong ba shen kin leit ban iakynduh ia u Myntri Rangbah ka jylla ban kyrpad ban phah pynlong ia ka Eksam CUET ha ka jylla khamtam haba bun ki khynnah pule kila mad ia ka jingeh ban leit ialeh ia katei ka eksamin shabar jongka jylla Meghalaya.
Haba iakren bad ki nongthoh khubor u samla Ryan Jeffrey Lyngdoh, ula ong ba kum ki samla ki ba dei ban ialeh ia ka eksamin CUET, kim don ia kano kano ka jingpyrshah ban ialeh ia katei ka eksam hynrei kaei kaba ki kwah ka long ba ka sokar jylla kan shimkhia ba ia kane ka eksamin dei ban pynlong ha ka jylla Meghalaya.
“Kiba bun ki khynnah ki hap ban leit ialeh ia ka eksamin shabar ka jylla bad kane kala buh ha ka jingeh namar ba kam ktah ia ki tang ha ka jinglut jingsep hynrei ka ktah bha ruh ia ka jingmut jingpyrkhat ka jongki ban ioh pynkhreh ia ka eksamin” la ong u Ryan.
Ula ong ruh, ba ka jingeh kaba khraw kadei ia kito ki khynnah kiba wan na ki longing kiba duk, kaba ka longiing longsem ka jongki kan ym lah ban kyrshan ia ki ha ka jinglut jingsep ba kin leit ialeh ia ka eksam shabar ka jylla namar kin hap ban pynlut ia ka bai leit, ka bai bam bad kumjuh ia ka bai sah kumta kum kine ki khynnah kin ym ioh ban leit ialeh ia katei ka eksamin.
“Ka jingjynjar ki khynnah kadei ruh ba ia kawei ka Paper kin ialeh ha kawei jylla bad ia kawei pat ka Paper kin hap ban leit ialeh sha kawei pat ka jylla bad ym shim la batai hi ruh ia ki ia ka jaka kaba kidei ban leit thoh ia ka eksamin hynrei la shu kdew beit tang ia ka kyrteng jong ka jylla ba kidei ban ialeh eksamin bad kane kala buh ha ka jingeh kaba khraw ia ki khamtam haba la ai por ia ki tang 5 sngi”
Nalor kane kila ong, ba ka National Testing Agency (NTA) kala ai ia ki samla ia ka lad ba kin jied ia ki jaka ban pynlong ia ka eksamin bad wat haba kila jied ia ki jaka ban ialeh ia ka eksamin hapoh ka jylla hynrei la pynngat pat ia ki ban ialeh ia ka eksam shabar ka jylla.
Shuh shuh ula iathuh ruh ba ka CUET kadei ka Computer Based Examiniation hynrei namar ka jingbym biang ki kor ki bor ban pynbiang ia ki khynnah pule ban ialeh ia ka eksam, kumta ka NTA bad ka Sorkar Pdeng kila dei ban shimkhia ban pynthikna ia ki jaka thoh eksam ia ki khynnah pule.
Ha kaba iadei bad ka jingpynbna u Myntri ka Pule Puthi ba ki khynnah kiba pule ha ki College kiba pyniasoh bad ka State University kim donkam ban ialeh ia ka eksam CUET hynrei tang kito ki Colleg kiba pyniasoh ia ka Skulbah NEHU,
U samla Ryan ula ong, “Dang shen u Myntri ka Pule Puthi u Rakkam Sangma ula ong ba ka jingpynlong ia ka eksam CUET kan ym dei shuh ban mih jingeh mynta ka kynti namar ba kila don bun ki jaka thoh eksamin ha ka jylla bad ka sorkar kala long kaba kloi ban iarap ia ki khynnah kiba mad ia ka jingeh hynrei ngim shym la iohi ia kino kino ki jingshimkhia na ka sorkar jylla haduh mynta, lait noh tang ia kaei kaba la mih ha ka kot khubor hynne ka sngi, ha kaba ka sorkar kala kyntu iaka NTA ban pynkylla noh ia ki jaka thoh eksamin na ka bynta ki samla pule ka jylla Meghalaaya”.
Ula ong ba ka NTA kadei kaba pynlong ia ka eksam CUET bad lada kam lah ban pynlong ia ka eksam lyngba ka Compuer Based Examination ka lah dei ban pynlong da ka eksam kaba shu thoh da u khulom ha ka kot bad lada ka lah ban pynlong ia ka eksam NEET da ka ba thoh da u khulom ha ka kot kumta ia ka CUET ruh kalah dei ban leh lang kumjuh haba kim biang ia ki jingdonkam.
