New Delhi, Jymmang 07 : U Myntri Rangbah Duh ka Ri Narendra Modi ha ka sngi Balang ula iakynduh ia ka President ka Ri Droupadi Murmu bad batai ia ka halor ka jinghiar thma ki shipai India ia ki ktem lehnoh ha Pakistan bad Pakistan-occupied Kashmir (PoL).
Khyndai tylli ki jaka kynthup ka headquarter bad jaka hikai jong ka kynhun lehkai Laashkar-e-Taiba (LeT) bad Jaish-e-Mohammed (JeM), kiba dei ki jaka suhbuit bad hukum ban hiar thma ia ka India, kila kylla sohpdung hapoh ka Operation Sindoor hynne ka step phyrngap.
“Prime Minister Shri @narendramodi ula iakynduh ia ka President Droupadi Murmu ha Rashtrapati Bhavan bad batai ia ka halor ka Operation Sindoor,” ong ka Ophis ka President ha ka jingthoh ha X bad sam paidbah ruh ia ka dur jong ka jingialang.
Kane ka jinghiar thma ki shipai kala wan jia hadien artaiew ka jingthombor ki lehnoh ha Pahalgam kaba shim ia ka jingim ki 26 ngut ki riew paidbah kynthup uwei u nong Nepali.
Ka Colonel Sofiya Qureshi bad Wing Commander Vyomika Singh lem bad u Foreign Secretary Vikram Misri haba iakren bad ki lad pathai khubor, kila batai bniah ia kane ka jingther namding ka India ia ki ktem lehnoh.
Ki ktem kiba la ther namding ki kynthup ia ka Sarjal camp ha Sialkot, Mehmoona Joya bad Markaz Taiba, Muridke, bad Markaz Subhanallah ha Bahawalpur. Ha POK, ki ktem ki kynthup ia ka Sawai Nala bad Syedna Bilal ha Muzaffarabad, Gulpur bad Abbas camps ha Kotli, bad Barnala camp ha Bhimber.
.){kind=link}